سكريبت بقلم ايمان محمود

كترت اليومين دول
حاضر
_لو احتجتي حاجة كلميني
حاضر
_طب أنا عندي شغل دلوقتي في أمان الله
يابن ال. سأصمت أنا هصمت منك لله يا يونس يا ابن أم يونس رميت التليفون بزهق ورميت نفسي على السرير جزء مني مقتنع ان اللي بيعمله صح وخصوصا لان بابا مشجع حركاته دي وحاببها اوي وجزء تاني نفسه يستمتع بفترة الخطوبة زي كل البنات هي يعني ريهام بنت خالتي أحسن مني في حاجة عشان خطيبها يحضنها ويبوس ايدها وأنا لا
ابعدي كدا ابعدي
انتي ايه جابك يا بت
كنت فاضية فقلت آجي أغلس عليكي شوية انزاحي يا واطية
ضحكت بذهول وبعدت شوية وهي رمت نفسها على السرير فاطمة تبقى مرات أخويا وعشان أخويا مسافر في مأمورية تبع شغله فهي مقيمة عندنا وبتروح شقتهم زيارات هي شخصية لذيذة خالص وبتعتبرني زي أختها وهي بالنسبالي أكتر من أخت بجد..
_اللون الأبيض ولا الأسود
أسود ايه استغفر الله العظيم بس الأبيض طبعا حد يدهن المطبخ بتاعه أسود يا يونس!
_خلاص ندهن أبيض زي ما انتي حابة
سكت شوية و.
انت حابب انهي لون
_كل الألوان حلوة المهم انتي تكوني مرتاحة أنا معنديش مانع مع أي حاجة
الواد دا بيخطف قلبي بالدبلوماسية دي ينفع أقوله كلمة حلوة!
_هشوف العميل دا وجاي
هو حس إني هقوله كلمة حلوة ولا ايه! تبا يجدع. .
_يونس عايز يكتب الكتاب بقى ايه رايك
_والله أنا شايفة إنه صبر كتير
بصيت لماما وسكت بصيت للأرض وحسيت إني مش عارفة آخد قرار يونس في المجمل بني

آدم كويس عارف ربنا كويس لطيف بحسه رومانسي بس ماسك لسانه بسبب الرقابة اللي هو حاططها علينا دي بس ومع ذلك. مش عارفة آخد قرار في الأول وفي الآخر دا هيكون شخص أنا هكمل معاه بقية عمري فهل أنا عايزة واحد زي يونس بجد
شيماء كملت بنبرة لينة محدش هيغصبك على حاجة يا حبيبتي فكري براحتك
اتوترت يعني. لو حبيت. أسيبه.
قاطعني شيماء. احنا مش هنغصبك على حاجة يا بنتي لو عايزة تسيبيه براحتك احنا في ضهرك ومعاكي في أي قرار بس نصيحة وهقولهالك لآخر مرة. يونس مش هيتعوض يا بنتي الشباب اللي زيه بقوا قليلين جدا في زماننا دا ويا عالم ممكن تلاقي واحد زيه يراعي ربنا فيكي أصلا ولا لأ! الخلاصة. دي حياتك يا حبيبتي وانتي حرة فيها بس فكري كويس عشان متخسريش بني آدم زي دا
هزيت راسي بماشي واستأذنت ودخلت أوضتي بقالنا حوالي فوق العشر شهور مخطوبين وبصراحة مكنتش متوقعة اني هحتار كدا لما يقول إنه عايز يكتب الكتاب بقى.
ومحتارة ليه يا موكوسة
يا بنتي انتي بتيجي امتى
صباح الفل أنا كنت بايتة هنا أصلا
ضحكت اه صح نسيت انك لاجئة هنا
المهم يا ست محتارة ليه
نفخت يا بنتي هو مش انتي بنفسك اللي قلتي انك حساه بيأڤور!
ضحكت وانتي واخدة على كلامي شيماء. انتي ناسية ان أخوكي كتب الكتاب على طول ومعملش فترة خطوبة أصلا ولا تحبي أفكرك أنا كفاطمة شوفته بيبالغ لإني معرفش فترة الخطوبة دي المفروض تنقضي ازاي أما انتي المفروض متقيسيش حياتك على حياة حد فكري انتي مع نفسك وشوفي هل انتي مرتاحاله ولا لأ والأفضل انك تصلي استخارة وتستخيري ربنا وتشوفي قلبك هيرتاح ولا ايه!
اتنهدت حاضر وان شاء الله اللي فيه الخير يقدمه ربنا
ان شاء الله يا حبيبتي ان شاء الله.
بقلمي ايمان محمود.
بارك الله لكما وبارك عليكما وجمع بينكما في خير
قرب مني خطوة فبعدت قصادها خطوة حاسة إني متوترة ومش عارفة آخد نفسي من التوتر حد يلحقني يجدعاان!
شيماء
يلاهوي
أول مرة أعرف إن اسمي قمر كدا يجدع أحلى شيماء سمعتها في حياتي دي ولا ايه!
موقفة الراجل كدا ليه يا بت.
لفيت لأخويا البايخ اللي جه قاطع أفكاري وبغيظ.
ما تروح تشوف مراتك الحلوة اللي واقفة لوحدها دي وتسيبنا في حالنا
بجحة
بتريقة من بعض ما عندكم يا باشا
ضحك ما تسيبنا شوية يا إسلام باشا خليني أشوف لسانها الطويل دا
رفع ايده سايبهالك وهخلع أهو يا معلم
مشى وسابنا وأنا لفيت ليونس بغيظ مخدتش بالي من الخطوة اللي خدها ناحيتي وبكل اندفاع.
مين دي اللي لسانها طويل
مين
بغيظ مش انت اللي قلت
أنا أنا مقلتش غير إنك قمر
ايه
ايه!
انت قلت ايه
قلت انك قمر بصراحة انتي تنافسي القمر في حلاوته
اتحمحمت جرا ايه يا يونس ارجع محترم من تاني أنا مش واخدة على كدا
ضحك جامد ومرة واحدة شدني لحضنه اتجمدت وهو ضمني جامد.
بابتسامة أحترم نفسي تاني انتي مش متخيلة أنا كنت بتمنى فترة الخطوبة دي تخلص ازاي عشان آخدك في حضني كدا عشان ألغي الجروب اللي احنا الاتنين متراقبين فيه دا عشان أبدأ أكلمك براحتي وأنا متأكد إنك حلالي وإننا مش بنعمل حاجة غلط أو تغضب ربنا عشان. عشان أعرف أكلمك وأقولك. إني بحبك
ايه
ضمني أكتر بالله بحبك قلبي اتعلق بيكي غصب عني بس مكنتش عايز أغضب ربنا فيكي فاستنيت لحد ما بقيتي مراتي عشان أقولك
انت.
أنا بيحبك
ضحكت ودفنت وشي في حضنه كمية الحب اللي حساها من نبرة صوته دي مطمناني أوي. بالله دي مخلية قلبي بيرقص جوا! و.
بهمس متهيألي مسمعهوش وأنا كمان. شكلي هحبك! .
طبختي حاجة النهاردة
بإرهاق كنت تعبانة شوية يا يونس بس هقوم أعمل أي حاجة ارتاح انت
ابتسامة حنينة اترسمت على وشه لقيته قرب مني من بعدها باس راسي ورفع ايدي باسها وطبطب على بطني المنفوخة شوية.
خليكي مرتاحة النهاردة يا حبيبتي وأنا هعمل حاجة خفيفة لينا
بس.
قاطعني بحب مبسش انتي كفاية عليكي اللي انتي فيه كتر خيرك انك لسة واقفة على رجليكي أصلا
أنا.
دموعي نزلت مرة واحدة فضحك وقرب حضني.
بضحك انتي هرموناتك بايظة خالص
ريهام اتطلقت
ضمني اكتر معلش يا حبيبي بكرة ييجي اللي يعوضها
صعبت عليا بس. على رأي بابا دي نتيجة اللي كان بيحصل فترة الخطوبة هما مراعوش ربنا وعشان كدا ربنا عاقبهم
ابتسم كانت فترة صعبة بس الحمد لله اننا عديناها بالطريقة الصح
أنا. بحبك
ضمني أكتر وأنا بعشقك
هو أنا بجد كنت عايزة أرفض البني آدم القمر دا عشان ريهام تبا لي يجدع يونس دا. دا أحلى حاجة حصلتلي في حياتي. حقيقي يعني أنا اخترت صح!
وأحافظ عليك مرغما حتى لا أعاقب بفقدانك!