سحر بقلم سحر السحرتي
الجميع وبدا التدريب وبعد الانتهاء اصر زياد ان يوصل تولين ووالدتها الى المنزل فسمحت له هدى حتى تتحسن علاقه تولين بأعضاء الفريق
زياد طنط ممكن اوصل تولين بكره للتدريب
ما تتعبش نفسك هي عرفت الطريق وهتروح بالاسكوتر بتاعها انا بس حبيت اجي معاها النهارده اطمن من المكان بس ممكن تخلي بالك منها هناك انت دلوقتي زي اخوها
زياد باستغراب اخوها
ثم تدارك خطاه اه طبعا زي اخوها طب ممكن تليفونها عشان ادخلها جروب الفريق هدى كابتن مجدي اخده وهيدخلها شكرا يا حبيبي تعبناك
ما فيش تعب مع السلامه
وسط ابتسامة تولين من محاولات زياد الفاشله التي تحبطها والدتها كلها
هدى اتفضلي اطلعي واظن سمعتي انت واي حد اخوات كفايه عليا جلبه اختك السوداء
هو انا عملت حاجه انا هختار ظبوط زي يوسف بس هو يستنضف ويجيب لي حاجه نقاوه كده دبورتين ثلاثه
خبطتها فوق رأسها
امشي دبور لما يقرصك خلصي دراستك الاول
بحلم ايه حرام هو الحلم عليه جمرك
بقلمي سحر السحرتي
في اليوم التالي حضر يوسف وجلس مع حاتم هو ووالدته
حاتم يا طنط انا كنت محتاج اكتب الكتاب لاني هقدم في شقق تبع المحافظه للشباب ولازم اكون متجوز
هدى بس دي بتاخد وقت طويل على ما تتسلم
لا يا طنط ما انا هقدم على الغاليه شويه ودي اسرع في الاستلام
يوسف بس انتم مخطوبين بقالكم كم شهر بس ولسه بتتعرفوا على بعض وكتب الكتاب فيه استعجال مش ملاحظ لازم تبقوا متاكدين من قراركم وبصراحه لو ما اتفقتوش ما حدش هيخسر في الموضوع غير ولاء
انا متاكد ان مش هلاقي حد احسن من ولاء ومتاكد من قراري
تولين في سرها اكيد مش هتلاقي احسن من ولاء المشكلة انك انت العره اللي هي راضيه بيه انا عارفة هي موافقة بيك على ايه وانت كالح وثقيل
كانت تفكر وهي تغمض عينيها فضحك يوسف في سره
اتلمي هتضحكيني وانا قاعد وعامل راجل البيت
طب اتفرد عليه كمان احسن نفسي اضربه قلمين
يوسف لحاتم طب ممكن تدينا يومين نفكر ونرد عليك
حاتم حقكم بس ارجوك ما تطولش عشان الحق اقدم الورق مع السلامه
وانصرف من المنزل
هل ستوافق اسرة تولين على زواج ولاء
ضوء القمر
حلقة ٤
انصرف حاتم وامسك يوسف تولين من ذراعها وثناه للخلف
انت مش هتبطلي حركاتك دي يعني اقعد مهزق كده مع الراجل وانا بضحك من غير سبب
اه ذراعي يا غلس وانا مالي مش عارف تسيطر على نفسك
سمعت انك قطعت زمايلك في اول يوم تدريب
طبعا لازم اوريهم العين الحمراء احسن يستهيفوني
هدى اه اعملي فيها عنتر وبعدين هتزعلي المهم حاتم ما يعرفش حاجه عن موهبتكم ولا اي حد فاهمه يا ولاء وفكري كويس يا بنتي وخلينا نرد على الراجل بس خدي وقتك .... عملتي ايه في التمرين النهارده يا زفته
دولفين البحار بقيت زفته تمام بعد اللي حصل امبارح ما حدش عرف يبص لي بعينه ويقول بم
يوسف انت ضربتيهم في عينهم
خفيف قوي قلت كسرت عينهم عشان ما حدش يتحداني في الميه والحمد لله مش معايا حد في نفس السنه احسن يعرفوا ان على قدي ههههه وخيبه في الدراسه
كانت تولين تذهب الى التدريب يوميا وتقترب اكثر من اعضاء الفريق واصبحوا جميعا كالاخوه وجميعهم من جامعات مختلفه واعمار مختلفه هي الوحيده من الفرقه الاولى فاصبحت اختهم الصغيره
تحت ضغط من ولاء وحاتم وافقت هدى على كتب كتابهم فاختارت يوم اجازه يوسف وقبل سفر تولين للمعسكر
بقلمي سحر السحرتي
كان يوم جميل
لا ينسى لولاء لكن باقي اسرتها تظاهر بالسعاده من اجلها وخاصه تولين التي لم تكن لحاتم ذره احترام بسبب نظراته الوقحة لها التي لم تفصح لاحد عنها ولكن فضلت اسعاد اختها في يوم فرحتها
بعد كتب الكتاب اصبح حاتم دائم الزياره لولاء والتدخل في كل شيء حتى انه اعترض على سفر تولين للمعسكر
هدى شوف يا ابني انت جوز ولاء اه بس تولين تبقى بنتي وانا المسؤوله عنها فيا ريت تتحكم في مراتك لو قبلت لكن اختها اهلها لسه موجودين وبخير
حاتم مش قصدي يا طنط انا خاېف عليها سفر ولوحدها وتقعد اسبوع مع ناس غريبه
هدى اظن مش هتخاف على بنتي اكتر مني واطمنك انا اتعرفت عليهم و مربيه بنتي كويس قوي
حاتم يا طنط مش قصدي انا هنا راجل البيت طول ما يوسف غايب
لا يا ابني انت مش مقيم هنا ويوسف راجل البيت موجود او غايب
ولاء في ايه يا ماما حاتم بس خاېف عليها
شكرا ليه بس ما حدش هيخاف عليها اكثر مني وانا لسه عايشه وابوها كمان عايش واخوها موجود يبقى يوفر الواجب ده لما ڼموت
حاتم انا اسف يا طنط واضح ان كلامي مش مرغوب فيه استاذن
اذنك معاك
ولاء استنى بس يا حاتم نتفاهم
لكنه خرج دون ان يتكلم
ولاء ليه كده يا ماما هيزعل دلوقتي
ما يزعل ولا يتفلق انا وافقت على كتب الكتاب عشان خاطرك لكن يفتكر نفسه راجل البيت لا يعمل راجل عليك انت فاهمه والا الجوازه دي ما تلزمنيش وبلاش كل يوم يجي انتم لسه في حكم المخطوبين ولا فاكر نفسه اتجوزك بجد
يا ماما
انا قلت اللي عندي وبلاش اخواتك يعرفوا حاجه عن اللي حصل
بقلمي سحر السحرتي
دخلت ولاء غرفتها وهي غاضبه مما حدث فاتصلت على حاتم واعتذرت له وحاولت مصالحته فرفض وذلها حتى وافق
خلاص شوفي هتعزميني على ايه عشان اتصالح وارضى اسامحك
اللي انت عاوزه يا حبيبي بس خليها الشهر الجاي لان فلوسي خلصت
راحت فين بطلي بقى تبعزقي على اهلك انت وراكي جواز ومصاريف وانت شفتي بنفسك بيعاملوني ازاي من اول الشهر هدخلك في جمعيه لان ورانا التزامات كثير
حاضر يا حبيبي اللي تشوفه
كان حاتم يستغل ولاء وحبها الشديد له
ذهبت تولين الى المعسكر في الاسكندريه لمده اسبوع لم تنسى ان
تاخذ معها الجيتار تفاجئ فريقها ان صوتها جميل كانت في الليل بعد التمارين المجهده تسهر معهم بعض الوقت وتغني
تقرب منها زياد اكثر واحس ان هناك مشاعر غريبه تحركه في اتجاهها ..... ايضا اشرف احس بنفس المشاعر وحاول التقرب منها لكنها كانت تكن للجميع مشاعر الاخوه فقد كانت لها اهداف مختلفه هي ان تقتصد المال وتحاول السفر للبحث عن والدها
لم تقص على احد شيء من حياتها الخاصه سوى ان لها اخ واخت
في يوم البطوله سافرت هدى لتحضر لكن ولاء تحججت بان لديها عمل ولكن حاتم هو من منعها من السفر لحضور المسابقة ليرضي غروره عقاپا لهم لتهميش رايه ايضا سافر والد زياد هو الاخر ليحضر البطوله
عند وصول هدى اسرعت تولين واحتضنتها
كل الاهالي التي حضرت طلب منهم كابتن مجدي الصعود والجلوس لاماكنهم حتى يستعد اللاعبين
اصطدمت هدى بوالد زياد فاعتذر
انا اسف
ما فيش مشكله
لو سمحتي هو اسم حضرتك هدى
عماد صدفه غريبه
نظر لها بدهشة واشياق
ازيك وحشتيني قوي دورت عليك كثير بعد ما سبتك كنت فين
ياااه ما خلاص يا عماد كلها ذكريات
بتعملي ايه هنا
بنتي مشتركه في البطوله وانت
ابني كمان مشترك هو امجد فين ما جاش يشوف بنته
امجد الله يرحمه ودي مش بنته انا اتجوزت بعد امجد حسن
صاحبه انت كنت اتعرفت عليه
طب
لما امجد ماټ ما دورتيش
عليا ليه
ليه
كنا
ههههههه ضحكتني انت كنت صريح معايا من الاول قلت انك هتتجوز بنت عمك واحترمت صراحتك المفروض اظهر في حياتك وابوظها واخدك من مراتك وبنتك وقتها وبعدين انا نسيتك وحسن عوضني عن قسوه امجد ابن خالتي اللي كان بينتقم مني لاني فضلتك عليه القصه المعتاده بس ربنا كبير عوضني
انا اسف انا السبب وحسن فين
مسافر بره مصر هو ما بيتاخرش على تولين استاذنك البطوله هتبدا
طب ممكن رقم تليفونك اطمن عليك من وقت للتاني
عماد ما لوش لزوم خلي الماضي مدفون انت عندك اولاد وانا كمان واحنا الاثنين متجوزين
بس انا ما قدرتش انساكي لحد دلوقت
انا قدرت واتجوزت بدل المره اتنين اذا كان ده هيساعدك تنساني سيبني بقى اشوف بنتي اللي اهم عندي من اي حاجه
اتفضلي بس سامحيني من قلبك
سامحتك من زمان
بقلمي سحر السحرتي
وكان قلبها يدق بشده وتحدث نفسها
وحشتني قوي يا عماد ليه ظهرت دلوقتي يا ترى في حكمه من ظهورك عمري ما نسيتك كنت اول واخر حب في حياتي
بدات البطوله وكالعاده فازت تولين لفريق البنات وفاز زياد هذه المره لفريق الفتيان
كان زياد مصر هذه المره على الفوز ليتم تكريمه هو وتولين معا لعلها فرصه تقربه منها
شاهد عماد هدى تبارك لزياد ففضل ان لا تعرف انه والده ارسل له مع الكابتن انه في انتظاره في السياره لان لديه مكالمه عمل مهمه
ركب زياد مع والده وبارك له واستاذنه ان يقوم بايصال زميلته ووالدتها معهم اعتذر له عماد لانه توقع انها هدى وابنتها
اسف يا زياد لاني مستني مكالمه مهمه ممكن نضطر نعدي على الشركه في طريقنا فهيتعطلوا بس بما ان مكانك فاضي في الباص هكلم كابتن مجدي ان والدتها تركب مكانك
بس ده ممنوع
لا ما تقلقش مجدي هيوافق
فعلا اتصل على الكابتن الذي وافق بصعوبه لان الباص للاعبين فقط لكنه اقنعه ان تولين لها ظروفه خاصه واذا سافرت مع والدتها في المواصلات قد يكون الوضع صعب عليها فوجدها مجدي حجه جيده اذا ساله احد
عاد كل منهم الى منزله لم يغمض لاحد جفن من التفكير
تولين ولاء تعالي عايزاكي
خير
هو حاتم كان هنا واحنا مسافرين
تلجلجت في الرد لا انت بتقولي ايه ازاي يعني يجي وانتم مش موجودين
متاكده الاوضه مليانه بريحه برفانه المقرفه
لا ده انا اشتريت له ازازه هديه وكنت بجربها
طب ومحفظته على السرير بتعمل ايه
دى نسيها معايا
ماما لو عرفت حاجه زي كده ممكن يجرالها حاجه
انت هبله حاجه ايه هو زي ما قلت لك مش مصدقاني
اصدقك او لا انت اختي الكبيره والمفروض تحافظي على نفسك احسن من كده
طب وطي صوتك لماما تسمع
ما تسمع مش ما حصلش حاجه
اه قفلي بقى على الموضوع
في منزل عماد تغيرت معاملته مع مديحه اهملها اكثر ... دائما ذهنه شارد .....كلف احد مساعديه بجمع معلومات عن هدى فقد شك انها تكذب بخصوص امر ما
بعد ظهور هدى لم يحتمل عماد تصرفات مديحه اكثر وكبريائها المستفز وطلباتها التي لا تنتهي وعدم مراعاتها لظروفه الماديه الحاليه فقرر ان ينفصل عنها في هدوء
لم تمانع وجدتها فرصه لتقترب من اخيه ابن عمها ايضا هادي فهو الان اكثر ثراء وكانت تعلم انه يكن لها المشاعر منذ أن كانوا صغار لكن زواجها من عماد اوقفه فتزوج من والدة مهيتاب
ذهبت واقامت معه في قصره وتظاهرت بالحب والحنان لابنته وعوضتها عن فقدانها لامها كانت خطتها تتمثل في ان تقيم لدى هادي في المنزل وتقترب له عن طريق ماهيتاب التي تعلقت بها
تاثر زياد بما فعله والده وكان قريبا جدا منه فجلس معه لمناقشته ليفهم ما حدث بينهم
ممكن يا بابا افهم ليه بعد العمر ده كله حصل دلوقت
مش قادر استحمل عارف والدتك مش قادره تتنازل عن المستوى اللي كانت عايشه فيه وانا خسړت فلوسي ڠصب عني تعسر بيحصل لاي رجل اعمال ده حتى ما عرضتش علي اني اخذ اي حاجه جبتها لها عشان اقدر انقذ نفسي وانا فضلت انها تيجي منها والراجل لما يلاقي الست لا وقفت جنبه ولا حتى قادره تستحمل يبقى لازمتها ايه في حياته
طب والحب اللي بينكم
انت كبير دلوقتي والدتك مش حب حياتي دي اختيار عقل واظن اني ما قصرتش معاها كزوج في حاجه حتى لو كانت بالنسبه ليا بس بنت عمي
كيف سيتعامل زياد مع اعتراف والده
ضوء القمر
حلقة ٥
تفاجا زياد من حديث والده وقال له
ازاي انا كنت بشوف حب واحترام كل السنين ده مجرد تمثيل
لا انا حبيتها حب عشره وبنت عمي لكن مش الحب اللي بيدق له القلب ولما تغيب عني ابقى مشتاق لها والاحترام واجب بين اي زوج وزوجه
وسبتها ليه تقعد عند عمي
انا عرضت عليها تقعد هنا وهمشي رفضت وقالت ان هنا ذكريات تحب تنساها وعمك مش غريب ده ابن عمها لو تحب تقعد معاها عمك هيرحب هو بيحبك زي ابنه
لا انا هقعد معاك بس ما كنتش متوقع ان الحياه بينكم كانت خدعه
ما كانتش خدعه كنا بنكمل عشانكم لما تكبر هتعرف انك بتضحي بسعادتك لو عندك اولاد
عمري ما هتجوز واحده الا لما اكون بحبها
في ظروف بتتحط فيها بتجبرك تسيب اللي بتحبه وبلاش تقسى علي زي الايام
انا اسف يا بابا بس عمري ما حسيت ان بينكم خلافات حتى اختي اتجوزت وسافرت وهي عارفه انكم بتقضوا اسعد ايام حياتكم لما تكلمنا دلوقتي وتعرف انكم انفصلتوا هتعمل ايه
اختك مخها كبير وهتقدر وكانت دائما بتعتب على والدتك تصرفاتها معايا خصوصا بعد الخساره اللي حصلت
بس تسمح لي ازورها من وقت للتاني
اكيد عمري ما
همنعك ولو حسيت انها عايزه تعيش في الفيلا هنا بلغني وانا همشي فورا
لا من الناحيه دي هي طول عمرها بتحب قصر عمي
بقلمي سحر السحرتي
في قصر هادي كان عائد من العمل وجد مديحه في الجنينه تجلس شاردة الذهن
مالك يا مديحه حد مزعلك هنا
ابدا بالعكس دي مهيتاب بتعوضني عن حب بنتي اللي سافرت بس سرحت في الايام اللي عشتها مع عماد والخطوه المتاخره اننا ننفصل
انت مش زعلانه انك اتطلقت منه
لا دي خطوه اتاخرت كثير احنا جوازنا زي انسان مېت اكلينيكيا وعايش على اجهزه بنحاول نطول في عمره اكتر بس مفيش امل يرجع يعيش تاني
ليه انا كنت فاكرك بتحبيه
حبيته بس الحب زي الزهره اذا ما ارتوتش وشافت الشمس بټموت وعماد ما حبنيش كان بيتعامل معايا بود واحترام لكن حب لا عشان كده حبه ماټ في قلبي وبقينا مستمرين عشان الاولاد
ما تزعليش الانسان مش بياخذ كل حاجه وانت عندك ولد وبنت بالدنيا كلها
اكيد وعندي دلوقتي انت
انا
اه اخ محتويني و مستضيفني في بيته انا متشكره قوي انت عارف ان انا كان ممكن اقعد في فيلا بابا بس ما اقدرش على الوحده وزياد مرتبط بوالده وما حبش يسيبه
اخص عليك بتشكريني على ايه انا عايزك تعتبري ده بيتك من النهارده كل اللي بيشتغلوا هنا هياخذوا التعليمات منك ومهيتاب مسؤوليتك انت امها قصدي زي امها
لا انا امها فعلا وبحسها بنتي
نجحت اولى خطوات
خطتها في الاستيلاء على قلب
هادي ومنزله
بقلمي سحر السحرتي
بدات السنه الدراسيه
الاولى لتولين كانت حياتها بين الجامعه
والتمارين ومحاوله زياد واشرف التقرب منها كلها تفشل الى ان استسلم
كان اشرف في الفرقه الثالثه كليه الهندسه فكان يتغيب كثيرا عن التمرين لصعوبة تخصصه لكن زياد كان يجيد التوفيق بين الدراسه والتمارين
وجدت تولين صعوبه في الدراسه فوجدها زياد فرصه للتقرب منها فطلب حضورها قبل التمرين بساعه كي يشرح لها ما يصعب فهمه فاستاذنت والدتها فرحبت لانها وجدت زياد انسان مهذب
فهمتي بقى بقالي ساعه بشرح لك حد قبل كده قال لك ان مخك تخين قوي
مش هخبي عليك كثير قوي شكروا في غبائي وقالوا ان نوع نادر
حتى دي عندك ثقه زياده فيها
طبعا الانسان الواثق من نفسه بيبقى انسان سوي هههههه
انت مشكله عموما امتحانات الميد ترم بعد كام يوم هترفعي راسي
على حسب اللي انت قلته جاي
ولو جاي هتعرفي تحلي
موعدكش الحقيقه
انت رسمه على تقدير ايه على كده
رسمه عن النجاح والله ولي التوفيق
متواضعة طب قولي كده من الاول اللي شرحته ده يجيب لك امتياز
انا طموحاتي صغيره اني انجح جه تقدير فضل ونعمه ما جاش لا يكلف الله نفسا الا وسعها هطمع يعني
طب لو جبتي تقدير هديتي ايه
هشكرك في قناتي واغني لك اغنيتك المفضله
بس
ايه انت هتنهب وبعدين ده اللي اقدر اقدمه لا افتكرت لو عندك حفله ممكن اغني ببلاش ابسط يا عم
وعد
تولة ما تقولش كلمه وترجع فيها نسيت امسك هدهد باعته لك الاكله دي
اشمعنا
بتقول لو انت مدرس وجيت عندنا البيت تدرس لي هيبقى واجب الضيافه وبكده ما يبقى لكش جميل علينا
الجمله الاخيره دي بتاعتك انا عارف طنط هدى مش قليله الذوق
انت بقيت من العيله وعارفهم واحد واحد ما تاكل وانت ساكت
اوعى يكون اكلك وجاية على نفسك وتديه لي
انا اجي على نفسي في كل حاجه الا الاكل ههههه دى احنا بنتدرب سباحة يعني ناكل الاخضر واليابس ههههه
بقلمي سحر السحرتي
كانت جلستهم دائما ما بين المرح والدراسه لم يعلم بها سوى اشرف لان زياد كان صديقا مقربا منه وهذا احد اسباب ابتعاده عن تولين واعتبارها اخته
انتهت امتحانات الترم الاول ونجحت تولين بتقديرات عاليه فطالبها زياد بمكافاته
تحب اغني لك هنا ولا فين
لا بنت عمي عامله حفله عيد ميلادها وهي زي اختي ممكن تغني في حفلتها
على حسب معمولة بالنهار وفين انت عارف ماما مش بتوافق على نص الشغل
بالنهار وفيلتهم او القصر بتاعهم وهوصلك وارجعك كمان
انا مش هاخذ منك فلوس زي ما وعدتك بس زمايلي اللي بيعزفوا معايا اعمل حسابك تدفع لهم وهطلب منهم خصم لك
لا هدفع لك بس تغني لي اغنيتي المفضله
ده انا كنت هغني ببلاش الحلفان كثير حرام ههههه
انت ما صدقتي
اصل بحوش عشان اسافر
فين
لا ده سر وانت وهدى بقيتوا اصحاب وممكن تفتن علي
لا مش هفتن قولي
بعدين عيد الميلاد قبل المعسكر ولا بعده
قبله بعد يومين اجهزي وهاعزم طنط هدى كمان
لا ماما مش بتوافق بلاش تحرج نفسك شكرا كمان مره على الشرح باي
كان موعد الحفله غنت تولين وملات الحفله بالبهجه لكن لاحظت مديحه اهتمام زياد المبالغ فيه بتولين فارادت ان توقفها عند حدها وتجعلها الا تحلم بالاقتراب من زياد وتبتعد عنه للابد فتوجهت وقالت لها
صوتك جميل قوي
شكرا لحضرتك
يا ريت كان الغنى شامل الرقص كمان كنا هندفع اكثر
استفزت تولين لا الرقص خليناه للضيوف
ايه ده انت زعلتي
لا ما زعلتش بس احنا فرقه محترمه بتغني اغاني محترمه وكلنا طلبه
طب هاتي زمايلك وتعالوا على المطبخ الاكل بتاعكم محطوط هناك ما يصحش تاكلوا مع الضيوف
كتمت تولين ڠضبها احتراما لزياد
بيتهيا لي قلت اننا طلبه مش شحاتين طالبين حسنه مش معنى اننا بنمارس هوايتنا وبنملى وقت فراغنا اننا نتعامل بالاهانه دي ولولا ان زياد زميلنا محترم معانا كنت رديت عليك الرد المناسب واضح ان وجودنا مضايقك احنا هنمشي
لا مش قبل ما تخلصي فقرتك والا هيتخصم من اجرتك
ممكن اعرف صفتك ايه هنا وبتتكلمي معايا كده ازاي
انا مامت زياد وعمو موكلني مسؤوليه الحفله
كمان مامت زياد انا كده صعب ارد عليك خالص يا ريت تبلغيه اني خلصت ومشيت عن اذنك
والاكل
نظرت لها باحتقار
خليه للجعانين الحمد لله شبعانين
استمع عماد بالصدفه لما دار بينهم فذهب وراء تولين ليوصلها لكنها رفضت وامام اصراره واحترامه لها وافقت
هل سيؤثر ما حدث من مديحة على علاقة زياد وتولين
ضوء القمر
حلقة ٦
ركبت تولين مع عماد في السياره وقال لها
ممكن ما تزعليش من مديحه هي اسلوبها جاف ساعات بس لو عاشرتيها هتلاقيها طيبه قوي
اعاشرها ده ايه ده اخر مره اتقابل معاها الله يكون في عونك يا اونكل مستحملها ازاي .... انا اسفه بس بجد متضايقه من اسلوبها ودي حتى لو كنا شحاتين المفروض المعامله تكون احسن من كده ده ماما عمرها ما عاملت حد وحش حتى لو اذاها
انت هتقولي لي عليها
نعم هو حضرتك تعرف ماما
لا قصدي اللي تخلف بنت جميله زيك وترفض ترد على واحده اكبر منها اكيد ست محترمه
شكرا يا اونكل ممكن تعتذر لزياد لان اكيد مامته هتنسى متعمده تبلغه
اكيد ولا يهمك وصلنا
طب اتفضل اشرب حاجه واتعرف على ماما
بعدين يا حبيبتي مع السلامه
بقلمي سحر السحرتي
وصلت ولم تروي لامها ما حدث
بحث عنها زياد داخل الحفل لم يجدها اتصل عليها لم ترد الى ان عاد والده واخبره انها عادت للمنزل لشعورها ببعض التعب وتعتذر له
انا كنت هوصلها ما قالتش ليه
انا وصلتها وهي اصرت ما تقولش ليك لانهم محتاجينك في الحفله
انا حاسس ان حصل حاجه
ما حصلش حاجه بس قول لي هو في حاجه بينك وبينها
بصراحه انا معجب بيها جدا وممكن اكون بدات احبها
وهي كمان بتحبك
لا كلنا في الفريق بتعاملنا زي اخواتها رغم اني اوقات بحس ان عندها مشاعر ليا وبتخبيها
عنيده زي امها
بتقول حاجه
لا يا حبيبي ناوي تعمل ايه
مش هستسلم
ايوه كده دافع عن حبك عشان ما تندمش زيي
زي مين
واحد صاحبي فضل العمر كله ندمان لانه فرط في حبيبته
طب ادعي لي بعد يومين مسافرين معسكر وهحاول افاتحها في الموضوع
ظلت تولين لا تجيب وادعت المړض حتى تهرب من اسئله والدتها فحينما فشل زياد في الوصول لها اتصل على امها للاطمئنان عليها
اتصلت تولين بالكابتن واعتذرت له عن عدم مشاركتها في المعسكر لمرضها
مش هينفع ياتولين عندنا بطوله مهمه وفي درجات كويسه هتضاف لاعمال السنه
طب اعمل ايه يا كابتن انت عارف ما اقدرش انزل الميه وانا سخنه
خلاص سافري مع الدفعه الثانيه بعد يومين اصلنا هنسافر على دفعات لان في لعيبه كان لسه عندهم تقييمات لان كليتهم عملي تعالي معاهم تكوني اتحسنتي ومش هشد عليك في التمرين
شكرا يا كابتن
بقلمي سحر السحرتي
كان جميع اللاعبين يركبون الباص استغرب زياد لغياب تولين سال الكابتن
هي تولين مش جايه
لا مش جايه تعبانه
لم يكمل الكابتن بقيه المعلومه لانشغاله مع اللاعبين
احس زياد بخيبه امل واشتياق شديد لها جعله يدرك انها الحب الحقيقي وانه ليس مجرد اعجاب
بعد يومين لحقت
في مكان اخر حتى انها كانت تمسك
جيتارها وتغني بعيدا عن الفريق
بينما كانت تجلس
على شاطئ البحر بعيدا عن الجميع ذهب اليها زياد متعمدا ان يتحدث معها حتى وان رفضت
تولين ممكن اتكلم معك شويه
اسفه يا زياد مزاجي مش رايق وخاېفه ارد عليك بكلمه تزعلك مني وانت جميلك في رقبتي
جميل ايه
وقفتك جنبي لولا شرحك وصبرك علي كان ممكن اسقط مش اجيب تقدير كويس عشان كده انت عزيز على قلبي
عزيز على قلبك بس
اه مش اكثر من كده
انا حاسس انك بتهربي مني هو حصل حاجه في الحفله
لم تحتمل عندما تذكرت اهانه والدته فلمعت الدموع في عينيها لكنها تماسكت
يبقى حصل حاجه ممكن تحكي لي
ما حصلش حاجه ارجوك سيبني بقى في حالي امسكها من زراعها وجعلها قريبه من صدره
هو ايه اللي سيبني لازم افهم
المفروض تفهمها لوحدك بس هفهمها لك انت بالنسبه لي مجرد زميل مش اكثر والحفلة عرفتني قد ايه مستواك يختلف كثير عن مستوايا وازيدك من الشعر بيت ....اه حسيت بكل مره حاولت تتقرب فيها مني وكنت بعمل عبيطه لاننا ما ننفعش لبعض ... انا دخلت الجامعه بمنحه انت بتدفع مصاريف ..... انا ساكنه في حي متوسط انت ساكن في قصر ..... انا معاقه وانت سليم ..... تحب تعرف اكثر من كده ولا كفايه
انا بحبك ومتاكد من كده الكام يوم اللي بعدت عني ولا قدرت اشوفك او اسمع صوتك شوقي لك كان عامل زي الڼار وكنت هتجنن
دفعته بقوة كبيرة بعيدا عنها من قوه دفعتها سقطت على الارض كانت تقول بصوت عال
بس انا ما بحبكش
جرحت ساقعها بسبب هذه السقطه من الجهاز التعويضي الذي تركبه بقدمها تالمت وبكت وكانها فرصه لاخراج ما في صدرها من الحزن
بقلمي سحر السحرتي
تولة انت كويسه
ما تنادينيش بالاسم ده انا بالنسبه لك تولين ومش كويسه اتعورت سيبني بقى
طب اسندي عليا
لا من اللحظه دي التعامل بينا وقف ومش محتاجه لمساعده اي حد
مش هتقدري تمشي كده سيبيني اساعدك وبعد كده اعملي اللي انت عايزاه
لا مش هتحرك من هنا معاك ولا بمساعدتك سيبني بدل ما الناس تسمع صوتي ويبقى شكلنا وحش اتفضل امشي
انت عنيده قوي ومش هتيجي بالذوق
حملها رغما عنها وهي تقاوم ولكنه امسكها بقوه واحكم اغلاق يده عليها فلم تجد سوى الاستسلام من شده الالم
اتجه بها الى الطبيب المقيم معهم بالمعسكر لمحهم كابتن مجدي فاسرع اليهم
خير حصل ايه
وقعت واتعورت وجبتها للدكتور يكشف عليها
طب سيبها واطلع بره نادي على واحده من زميلتها تقف معاها
خرج الدكتور فساله كابتن مجدي وهو قلق
خير يا دكتور
الدكتور انا عقمت الچرح وخيطته بس مش هتقدر تلبس الجهاز دلوقتي
الكابتن هتقدر تلعب البطوله
ردت تولين قبله انا ما فيش حاجه هتمنعني عن البطوله
الدكتور متاكده انك هتقدري
هقدر انا حياتي كلها متعلقه بالسباحه ولا شيء ممكن يمنعني
الدكتور خلاص يوم البطوله هقفل لك الچرح كويس بس بلاش تمرين اليومين دول
لا لازم اتمرن
الدكتور لو ما ريحتيش همنعك من البطوله
حاضر
لانها عنيده لم تستمع لكلام الدكتور ونزلت التمرين دون علم كابتن مجدي ورغم الالم كانت تتدرب پشراسه
يوم البطوله لم يحضر اهالي اللاعبين لبعد المسافه كان وجه تولين شاحبا وكانت حرارتها مرتفعه قليلا لكنها لم تخبر احدا
انطلقت صفاره البدايه سبحت تولين بكل قوة وعڼف وعندما لمست خط النهايه كانها افرغت كل طاقتها وكل الڠضب الذي كانت تحس به بداخلها و فقدت الوعي وسقطت في الماء
ظن الجميع انه من فرحتها غاصت تحت الماء كما يفعل بعض اللاعبين
لكن زياد احس بشيء غير طبيعي فهي ليست من عاداتها الغوص بعد الفوز فهي دائما تحب التباهي وتحية الجمهور فاسرع بالنزول في الماء فوجدها فاقده الوعي حملها وصعد بها واجرى لها الإسعافات الأولية
هل ستكون بخير ام ماذا حدث معها
ضوء القمر
حلقة ٧
تم نقل تولين الى المستشفى وجد الطبيب ان الچرح تلوث واصابها بارتفاع في درجه الحراره بسبب تدريبها الذي امرها بالتوقف عنه
عندما افاقت وجدت زياد بجانبها وامسك يدها
حمد لله على السلامه تعبتي وخطفت قلبي معاكي
فسحبت يدها هو ايه اللي حصل
هبلغ الممرضه وكابتن مجدي انك فوقتي
اسرع الكابتن اليها وپحده في صوته
انت مجنونه عملتي في نفسك كده ليه اتمرنتي من ورايا ولوثت الچرح وكمان كنت عارفه ان عندك حراره ونزلتي
كنت محتاجه لدرجات التفوق في البطوله
في داهيه الدرجات ما انت جايبه تقدير كويس الترم الاول
للاسف مش هعرف اجيبه تاني المدرس اللي كان بيشرح لي سافر
حتى لو افرضي جرى لك حاجه والدتك كانت هتعمل ايه وكمان لو زياد ما لحقكيش كنت هتبطلي سباحه خالص
ليه هو ايه اللي حصل بالظبط
فقدت الوعي وكلنا فكرناك مبسوطه فغوصتي لولا زياد نزل وطلعك لو كانت الرئه اتملت ميه كنت اكيد مش هتعومي تاني اشكري زياد لانه انقذ حياتك
توجهت بنظرها لزياد شكرا يا استاذ زياد
هو التعب اثر على مخك استاذ ايه ده زياد زميلك
شكلي فعلا مش مركزه عموما يا كابتن اوعدك اني مش هعملها تاني
طب ارجع انا للفريق وانت معاك زياد ... يا زياد اول المحلول ما يخلص هاتها وتعالى عشان نتحرك ونرجع مصر
حاضر يا كابتن
بقلمي سحر السحرتي
كادت ان تنادي مجدي كي تخبره ان ياخذ زياد معه لكنه خرج مسرعا توجهت اليه وقالت
تقدر ترجع المعسكر انا هاجي لوحدي انا بقيت كويسه
نظر لها زياد بعدم فهم لكل هذا العناد
انا عرفت اللي حصل في الحفله وخلاك تعامليني كده
هي مامتك قالت لك ايه البجاحه دي
حتى وانت تعبانه لسانك طويل لا مش ماما اللي قالت بابا اللي قال لي وقال لي كمان ان لو هي مش حاسه ناحيتك بمشاعر ما كانتش هتعاملك كده بتكابري ليه
اخذت نفسا عميقا وردت بكل حزن والم
عشان بكل المقاييس ما ينفعش وقلت لك اسبابي واحنا على الشط
اولا كان مش هينفع لو انت اللي كنت اعلى مني في المستوى الراجل هو اللي بيشد لفوق ثانيا احنا مش عايشين في القصر اللي شفتيه ده بتاع عمي ولو كنت قعدتي لاخر الحفله كنت شفت امي وهي بتتجوز عمي
امك ازاي وعمك
بابا طلق ماما من كام شهر وهي اتجوزت عمي والاعاقه اللي اتكلمتي عنها انت اتحدتيها وهتفضلي العمر كله كاسرة عيني انك فوزتي عليا تسمحي بقى تبطلي ترفضي حبي
واخره الحب ده ايه
النهايه الطبيعيه بس مش هقدر اتقدم دلوقتي وانا طالب كلها كام شهر هخلص وبعد ما كنت عايز اتفوق واتعين لقيتك دافع اقوى اتفوق عشانه
واهلك هيقولوا ايه
بابا موافق ومرحب وعايزني اتقدم دلوقتي بس رفضت لاني هتقدم واقول ان انا طالب بس بعد كام شهر هقول معيد في الجامعه
ومامتك مش هتوافق
بكره لما تعرفك هتحبك زيي واكثر
ما افتكرش هي عملت كده عشان تعرفني حجمي الطبيعي
تولين ارجوك ما تكبريش الموضوع بابا موافق وده اهم حاجه عندي وماما مشغوله بجوزها ومع الوقت هتنساني قلتي ايه
في ايه
انت هتستهبلي
انت
اولها يعني موافقه
بقلمي سحر السحرتي
بس مش هقدر اقول لماما
ممكن تخبي عليها الكام شهر دول وبعد كده نبلغها وانا جاي اتقدم
يعني اكذب عليها
هتكذبي عليها في ايه احنا هنتقابل في التمرين عادي وهشرح لك زي الاول كل اللي
هيزيد كلمتين حب اقولهم بس
ايوه بس هحس اني
بعمل حاجه غلط
هو ايه الغلط اللي هتعمليه احنا
مش هنخرج مع بعض من وراها مش فاضي
