سحر بقلم سحر السحرتي
زي ولاء رغم انها تبان العكس بس انا عارفه كل اولادي
طنط ارجوكي انا عمري ما هجرح تولين انا بحبها واتقدمت دلوقتي لما اتحدد مستقبلي مش مجرد طالب
انا بحترم ده بس ياما ناس كتير سافرت ومشاعرها اتغيرت اوعدك لما ترجع ولسه عايزها وهي موافقه عمري ما هقف في طريق سعادتكم تصبح على خير
ولم تعطيه فرصه للمجادله وانهت النقاش
بقلمي سحر السحرتي
انتظر والده ليتحدث معه لمحاوله اقناعها
اسف يا زياد اول لما اتجوزنا طلبت مني ما اتدخلش في طريقه تربيتها لاولادها لكن ممكن انصحها هتكلم معاها لكن موعدكش هدى من يومها كلمتها واحده
اتصل زياد على تولين لكنه لم يستطع اخبارها
مش بترد عليا ليه طبعا ماما رفضت مش قلت لك ما صدقتنيش
دى حتى رفضت مجرد خطوبه
ماما وانا عارفاها انت زعلان ليه دلوقت انا زعلت شويه وفكرت هتفرق في ايه اتخطبنا ولة لا
هتفرق كثير اقل شيء اضمن انك ليا
هي رفضت اني اتخطب لك قبل ما اخلص دراستي يبقى اكيد هترفض غيرك وهنفضل نتكلم مع بعض هي بتدي لك فرصه لو انت اللي غيرت رايك ما تحسش انك مدبس وتكون واثق من قرارك
انا عمري ما هغير رايك
الزمن كفيل يثبت ده
انت مش واثقه اني بحبك
اكيد واثقه بس اي حب بيمر بتحديات ومشاكل يا تقويه يا تنهيه ويا عالم انت هتمر بايه في الغربه
تاكدي ان عمري ما هسيبك او هنساك
هنشوف
تولين ما تجننيش
اصلك بتبقى تجنن وانت متعصب يا حبيبي
قوليها تاني
لا عشان تتجنن اكثر
بقلمي سحر السحرتي
سافر زياد ومرت الايام كل في حياته تولين ما بين المسابقات والحفلات
ويوسف ما زال يتم حپسه لم يمنع مهند عقابه وكل فتره يتصل بتولين يتسابق معها ولكنه دائما يخسر
اما عن ولاء فاهتمت بعملها ونفسها واصبحت نفسيتها افضل بفضل اسرتها ودعمهم لها
وعماد بدا في استعاده احدى شركاته التي فقدها بدعم هدى التي ساندته ولم تكن طلباتها متكلفه
ويقضي اولاد هدى معها الاجازه لم تعد تولين رافضه لهذا الوضع
وها هي مرت سنه من غياب زياد وبدات دراسه السنه التاليه هي تخرج ليوسف واشرف لانهم من سن واحد والسنه الثالثه لتولين في الجامعه والسنه الثانيه لزياد في بعثته وبعدها يعود
في مره من مرات محاوله مهند للتفوق على تولين
انا حاسه انك بتخسر متعمد او كبرت في السن
فهمس في اذنها
او يمكن بتلكك عشان اشوفك
فخجلت واحمرت وجنتيها ولم تعرف كيف ترد هاه
فضحك من صډمتها
اكيد لا بس اقول لك الصراحه وتساعديني
لو اقدر مش
هتاخر
كل مره بشوف اختك بتعلق بيها تقدري تقولي معجب
ولاء بس دي مرت بتجربه صعبه سايبه اثر جواها ما افتكرش هتقدر تكرر التجربة دي دلوقت انت عارف حصل معاها ايه
عرفت يوسف زي اخويا الصغير واحنا هناك في الكليه قريبين من بعض قوي عشان كده هو موافق اننا نتسابق وكلمته في الموضوع قال لي القرده اللي هتسهل لي الطريق اللي هو انت
هو قال لك القرده يبقى يوسف مطلوب مني ايه
اعزمكم على الغداء وانت زي الشاطره تسيبينا نتكلم وتشوفي لك سكه
وده قبل الاكل ولا بعده هههههه
انت وذوقك
لو على الذوق ما فيش ارزل مني بس حاساك انسان كويس وهتحافظ عليها ومصلحه اختي اهم من اي بيتزا او كريب هتعزمني عليه اتفقنا
دعاهم للغداء رفضت ولاء لكن تولين تسرعت وابدت موافقتها
انا موافقه ما فيش مره كسبتك واخذت مكافاتي ويوسف بيتحبس
ما انا لو ما حبستوش هتحبس انا هههههه
ذهبا الى احد المطاعم الراقية فهمست تولين في اذن مهند
ممكن اكل واخلع اصل الريحه جوعتني قوي
ماشي بس غيبي على قد ما تقدري هههههه
تناولوا الطعام واستاذنت تولين لتجري مكالمه هاتفيه
ولاء ما تعمليها هنا
همست لها هكلم زياد اقول له على اخر الاخبار ومهند ممكن يقول ليوسف
واسرعت لتتحدث مع زياد عن اخر الاخبار
عندي اخبار مش هتصدق
خير يا حبيبتي
اسبوع وهكون عندك واشوفك
بتهزري بجد ازاي
هشارك في مسابقه دوليه وهتتعمل عندك اظن تقدر تفضي نفسك يوم واحد اشوفك انت وحشتني قوي
انت عارفه الكلمه دي بتقوليها كل فين وفين ده انا هفضي لك نفسي الفتره كلها
انا مش طماعه بس عموما دي اجازه نص السنه لينا احنا الاثنين وما حدش هيعطل الثاني
هستناك يا حبيبتي ومن دلوقتي ليوم ما توصلي هعد الساعات
ماشي يا حبيبي باي
كيف ستتعامل ولاء مع مهند وكيف سيمر لقاء تولين مع زياد
ضوء القمر
حلقة ١
جلست ولاء مع مهند واستلطفته واحست بارتياح بالتحدث معه فاستاذن منها في مقابله مره اخرى ليتعرفوا على بعض اكثر وانه استاذن يوسف في ذلك فرحبت واعلمته انها ستخبر والدتها
سافرت تولين مع الفريق وانتظرها زياد في المطار ليستقبلها لكن دائما تاتي الرياح بما لا تشتهي السفن فقد وصلت في نفس الطائره والدته وابنة عمه مهيتاب ولكنها كانت تجلس في قسم درجه رجال الاعمال فلم تراها تولين
خرجت مديحة من بوابة المطاروجدت زياد فاحضتنته
انت عرفت اننا هنوصل ازاي انا كنت عاملاها لك مفاجاه
لا ما اعرفش انا كنت جاي استقبل اشرف صاحبي جاي مع الفريق عندهم بطوله
قلت لي اشرف فينه من يوم ما سافرت ما سالش عليا ولا اتصل بيا
هو من قبل ما اسافر ما بيسالش لانه مشغول كليته صعبه مع التمارين
بقلمي سحر السحرتي
وصل الفريق فشاهدت تولين والدة زياد فابتعدت ولم تتحدث معه وركبت الباص سريعا
رحب زياد باشرف وباقي الفريق وتفهم تصرف تولين لكن مديحه لاحظت نظراته الى الباص وفهمت حركه شفتاه وهو يقول لتولين بحبك
فامسكت بذراعه وذراع ماهيتاب واشبكتهم ببعضها حتى تراهم تولين فما كان من تولين الا ان ارسلت قبله في الهواء لزياد فابتسم لها وعينه تقول لها انه في منتهى السعادة برؤيتها
ولكن الڼار قد اشتعلت بداخلها لمجرد رؤيته يمسك يد ابنة عمه
وتحرك الباص وزياد ايضا مع والدته وابنه عمه
وصل إلى المنزل
ماما حمد لله على السلامه استريحي وانا عندي محاضرات هحضرها وارجع تكوني صحيتي
هو انت مش في اجازه ومحاضرات ايه بالليل
اه في اجازة بس دي محاضرات اضافيه بتفيد التخصص بتاعي سلام
قبلها في خدها واسرع الى الفندق كان الفريق ما زال ينتظر استلام غرفهم
اشرف تولين فين
انت هببت ايه من ساعه ما جت وشها مقلوب واستاذنت الكابتن تقعد في التراس
ماما جات معاكم في نفس الطياره عاملاها لي مفاجاه
شفتها وفيها ايه
انت ناسي اخر مره شافت تولين عملت فيها ايه
يا خبر عشان كده طب الحقها احسن زعلانه قوي
اسرع فوجدها تقف حزينه تكادت الدموع تنهمر من عينيها
بقلمي سحر السحرتي
اسف يا حبيبتي انا اتفاجئت بماما كانت عملاها مفاجاة
القت بنفسها بداخل حضنه فضمھا اليه باشتياق وحملها ولف بها
وحشتيني قوي قوي ما اعرفش اني بحبك كده الا لما بعدت عنك
انت وحشتني اكتر يا زياد انا قلبي وجعني لما شفتك بتمسك ايد بنت عمك ما كنتش اعرف يعني ايه غيرة الا اما شفتك معاها
ضحك كثيرا عشان كده اتهورتي وحدفتي
تركته وادركت ما فعلته واحمر وجهها من الخجل
مش عارفه انا
عملت كده ازاي
اللي هو ايه الحضن ولا البوسه
الاثنين بلاش تكسفني بس انت كنت
واحشني قوي وحسيت وانا انك ملكي ومحدش يقدر ياخدك مني
طب ما انا فعلا
ملكك ولو كانت طنط هدى وافقت اننا نتجوز كا
هرجع لك البوسه بتاعتك صلح كافي
هههههه عشان هدى تمنع الجواز شرعي وعرفي
ضحكت يبقى قلبها مال
انت هتغني
لا انت اللي هتغني وحشني صوتك وكل حته فيكي كلامك عينيك اطلعي بسرعه غيري واستاذني الكابتن وتعالي افسحك وهاتي الجيتار معاكي
فريره
ذهبت لغرفتها وعادت
خير يا اشرف منورنا ولا ايه
عايز اتفسح انا كمان واتفرج على البلد وصاحبي واحشني غير ان طنط هدى موصياني اكون محرم ومش هبلغها باللقاء الحماسي اللي حصل من شويه عشان انتم اصحابي
ولو قلت لك خليك يا شرشر
هفتن بكل حاجه دي محلفاني على المصحف
زياد ما تتلمي شرشر ايه قدامي
ده زي اخويا
اهو اخوك قاعد على قلبنا مامتك مش رحماني بره مصر وجواها يلا يا اخويا
ضحكت تولين على غضبه فامسكت يده حتى يهدا
ممنوع يا ست تولين
رجلي بتوجعني يا اشرف وحاسه اني هقع فبسند عليه
اذا كان كده وهتعتبريه مسند ماشي بس مش اكثر ده
انت محرم بجد يا ساتر هدهد عرفت تختار
فاستفزه زياد وقبل يدها
زياد ما تزودهاش عندي اوامر ان لو حصلت اشيلها وارجعها الفندق
هي مالها محبكاها كده ليه دي كانت بتخلينا ناخذ بالنا منها
اه كانت قبل ما تتقدم لها كانت بتعتبر انك اخوها دلوقتي انت في حكم خطيبها
احلف انها قالت لك كده
والله قالت وكمان و صتني اخلي بالي لا تتهوروا
مضت الساعات سريعا عادت تولين الى الفندق وهي سعيده وعاد زياد ايضا للمنزل والابتسامه كانت لا تفارق وجهه
كانت مديحه قد اجرت تحريات في جامعه زياد وعلمت انه لا يوجد محاضرات كما اخبرها فايقنت انه ذهب لمقابلة تولين وانه متعلق بها فقررت التفكير بخطه للتفرقه بين زياد وتولين وجمعه مع ماهيتاب وبدات بعد وصول زياد الى المنزل
بقلمي سحر السحرتي
زياد هي البنت اللي غنت في عيد ميلاد ماهي مشتركه مع الفريق
اه دي البطله بتاعه الفريق ما انا اتعرفت عليها وهي بتتمرن معانا
هي البطوله فيها معاقين
ماما لو سمحت تولين بتتسابق معانا بشكل طبيعي واعاقتها مش حاجة تخجل منها
انا بشفق عليها لانها لازم تتجوز معاق زيها وعمرها ما هتجيب اطفال سلام اصل سمعت ان المعاقين اللي زيها دايما بيولدوا اطفال معاقين فمافيش انسان سليم هيقبل الوضع ده
ده كلام غلط
دي دراسه اقرا عنها هتعرف انها صح
ظلت طوال الليل تتحدث معه وتذكر كلمه معاقه مرارا وتكرارا وكلمة اللي بحالتها دي
في اليوم التالي كانت البطوله ذهب زياد لمشاهده تولين واصرت والدته ان تذهب معه بحجة انها تريد تشجيع اشرف صديقه وعليه اصطحابها هي وابنه عمه
امام اصرارها قام باصحابها جلس في المدرجات مع الجماهير بنفس المكان المتفق عليه مع تولين حتى تراه ويشجعها
فراته مصطحب والدته وابنه عمه فلم يطمئن قلبها لكن فضلت التركيز على البطوله
وبعد تعب ومجهود فازت تولين
ارسلت مديحه ابنها لشراء دواء لها لاحساسها بالتعب حتى تستطيع ان تتحدث مع تولين قبله
مبروك قدرت تفوزي بالبطوله بس ما تفكريش انك هتفوزي بابني وانك تقدري تلعبي عليه وتاخديه زي ما الست الوالده لعبت على باباه
ا متشكره يا طنط الله يبارك فيك انا مصره اخد ابنك لانك مربياه كويس تخيلي من اخلاقه هو اللي خطب ماما لانكل عماد واتحايل علينا عشان نوافق وكنا رافضين شفت ابن بار بابوه بالشكل ده اكيد
الابن البار بيبقى متربي كويس
ابني عمره ما هيتجوز واحده بحالتك دي الا شفقة او عطف اصله طيب وبيصعب عليه الناس اللي زيك
ارادت تولين ان ترد عليها لكنها شاهدت زياد قادم
ماما الدواء اتفضلي بتعملي ايه هنا بدور على اشرف عشان ابارك له وشفت زميلتكم بالصدفه شكلي غلطت في القسم وجيت قسم اللاعبين المعاقين
ماما البطوله ما فيهاش معاقين وتولين لاعبه مش ناقصها حاجه اتفضلي استريحي مكانك وهحصلك
واعتذر زياد لتولين عن كلام والدته
ما حصلش حاجه هروح استعد لاستلام الميداليه واشوفك بعدها ولا مش فاضي
لا انا مفضي نفسي مخصوص عشانك
يعني لو تحب تقعد مع مامتك وبنت عمك
هم بيجوا كتير انت اللي وحشاني وبقالي كتير ما شفتكيش
تمام همشي دلوقتي واقابلك بعدين
بقلمي سحر السحرتي
بعد تسليم الجوائز تقابلت تولين مع زياد الذي جعل والدته
تعود المنزل لتستريح بما انها تشعر ببعض التعب
تعاملت تولين بطريقه عاديه مع زياد لان لا ذنب له فيما قالته والدته
مبروك انا كنت واثق ان حبيبتي هتفوز
شكرا يا حبيبي انا .....
ليرن هاتفها ايوه يا ولاء .... طبعا عندك شك اني ممكن اخسر ..... ذهبيه وحياتك .....هو معاكي هاتيه .... الله يبارك فيك يا سياده الرائد ......هقول لك يا ابيه لما تبقى رسمي لكن اقول لك مهند كده ما ينفعش ...... المقامات محفوظه وبعدين طنطك هدى تعلقني لو قلت اسمك من غير القاب .... ماشي سلام
مين اللي كان بيكلمك
دي ولاء والرائد مهند فاكره نسيت اقول لك طلع معجب بيها وهيتقدم بس بيتعرفوا الاول على بعض وخلال كام يوم هيعملوا الخطوبه
مبروك انا كنت هتجنن كنت فاكره معجب بيكي انت
ههههههه انا كنت مفكره زيك كده تخيل كان ممكن اتجوز ظابط
هو انت في حد يرضى بحالتك دي غيري او يفكر يتجوزك
كيف قال زياد ذلك وما هو تصرف تولين معه هل ستنجح خطة والدته
ضوء القمر
حلقة ١
صمتت تولين بعد ان سمعت كلمات زياد وتذكرت كلام والدته وكادت الدموع تسقط من عينيها
حالتي اللي هي ايه وليه مفيش حد ممكن يفكر يتجوزني
انا بهزر انت مالك قفشتي كده ليه
جاوبني ورد على سؤالي حالتي اللي هي ايه هاه معاقه صح
انا ما اقصدش انا بس اتضايقت لما قلت تخيل اتجوز ظابط فغيرت قوي انك بتتخيلي حد تاني فقلت الكلام من غير ما افكر فيه كنت بهزر صدقيني
مصدقاك في كلام كثير مش بنقدر نقوله فبنطلعه على صوره هزار وهو نفس الكلام اللي مامتك قالته لي
قالت لك ايه
بالحرف زي ما انت قلت ابني مش ممكن يتجوز واحده بحالتك الا شفقه وعطف حالتي ... حالتي .... بس انا لو حتى معاقه فاكيد عندي مخ يتحكم في لساني وما اجرحش حد بالكلام متشكره بس اللي بحالتي عمرها ما هتتجوز واحد زيك شايفها قليله او ناقصه شيء .... يوم ما هفكر اتجوز لازم يكون واحد شايفني مش ناقصه شيء
واسرعت وتركته ولكنه جرى خلفها
تولين استني انا اسف ما اقصدش وانت فهمتي غلط وربطتي كلامي بكلام ماما
انا اللي اسفه كنت هضيع وقتي معاك عموما الانسان عمره ما بيتعلم ببلاش
بقلمي سحر السحرتي
امسك يدها واوقافها لانها كانت مستمره بالسير
ارجوك ما تظلمنيش ما اقصدش احلف لك بالله عمري ما فكرت فيك بالشكل ده
قامت بسحب يدها پعنف
ايدي ما تمسكهاش تاني واوعى تفكر تتصل بيا او المحك
اسرع امامها وحاول لمسها لكن اشارت بسبابتها كتحذير له
حاضر مش هلمسك بس ما ينفعش تنهي كل الحب اللي بينا على كلمه فهمتيها غلط انا اسف كمان مره اللي يرضيكي هعمله
لم تعد تحتمل كتمان دموعها
لو
كان في بينا حب من اصله عمرك ما كنت هتفكر تجرحني بالشكل ده ارجوك
سيبني وكويس انك بعيد عني عشان اقدر انساك
تنسيني بسهوله كده كل الحب والمشاعر اللي
بينا هتقدري تنسيها
اه لما افكر نفسي انك عايز تتجوزني شفقه وعطف يبقى اه ..... لما افتكر حالتي يبقى اه .... لما افتكر برضه انك شايفني ناقصه يبقى اه
دي اوهام في دماغك انا ما قلتش كده وليه فسرتيها ان حالتك دي على انها للاعاقه ليه ما فسرتيهاش ان من غيرتي عليك لانك بتلبسي مايوه ونفسي تبطلي سباحه لان كل الناس بتبص عليك ليه ما بتفسريهاش انك بتغني في الحفلات والنت والناس كلها بتسمعك وانا عايزك تغني لي انا لوحدي ونفسي اخبيك عن عنين الناس
انت اكيد بتضحك على نفسك مش عليا
انت اللي عايزه تفسري الكلام على مزاجك وتاخديني بذنب كلام امي
وضع يده على شعره وسحبه للخلف بعصبيه من اصرارها ورفضها لتصديقه
طب ممكن اسيبك تهدي وتفكري في اللي قلته ونتكلم بكره قبل الحفله اللي معموله للفريق من السفاره بس ارجوك ما تسافريش من غير ما نتكلم انت مټعصبه ومش قابله مني اي كلام
خلاص موافقه امشي دلوقتي
انت بتقولي كده عشان تنهي الحوار العند بتاعك المره دي هيخسرنا حاجات كثير
قلت لك خلاص يا زياد هروح اهدى وافكر
انا مش مستريح لك
فتحدثت پغضب هو لا كده عاجب ولا كده عاجب اتفضل روحني
بقلمي سحر السحرتي
عادت الى الفندق واثار الدموع على وجهها
اشرف انت كنت فين مش اتفقنا ما فيش خروج من غيري وبعدين مالك
ما تقلقش ما بقاش في خروج بعد كده اصلا وما حصلش حاجه انا تعبانه وطالعه استريح هو كابتن مجدي فين
في اوضته خير
ابدا هبلغه اني رجعت
في الصباح الباكر كان زياد في الفندق ويتصل على غرفه تولين لم ترد وهاتفها مغلق فاتصل على اشرف
خير متصل عليا على الصبح بدري كده ليه نسيت تودع تولين قبل ما تسافر وعايزني اما ارجع اودعها لك بالاحضان بدالك هههههه
تسافر هي سافرت ازاي وامتى
اول ما رجعت بلغت كابتن مجدي ان والدتها تعبانه ولو تقدر تسافر قبل الفريق يكون افضل وهو عرف ان في طياره بعد ساعتين فجهزت وسافرت هي ما قالتش لك
عنيده انا كنت حاسس
هو في ايه يا ابني فهمني دي رجعت زعلانه قوي وعذرتها لما عرفت ان والدتها تعبانه شويه وهكلم طنط هدى اطمن عليها
اشرف انزل عايزك ارجوك
نزل اشرف و شرح له الخلاف الذي حدث بينهم
يا نهار ابيض ده كان وشها كأن حد ماټ لها معقول تقول كده
ما اقصدش مش عارف قلت كده ازاي المهم انا مش هقدر انزل دلوقتي غير لما اخلص امتحانات وهي طبعا عمرها ما هترد عليا
ده اقل واجب بعد اللي انت عملته ومامتك كملت عليه
ممكن تبقى حمامه سلام وتكلمها وتشرح لها
زياد الفتره الجايه هتبقى اخر ترم ليا وهيبقى عندي مشاريع لازم اسلمها مش هبقى فاضي لكن هحاول على قد ما اقدر
انا مش هعطلك بس اما تقابلها في التمرين كلمها وزن عليها وانا هتصل على طنط هدى واشرح لها اللي حصل
خلاص حاضر بس ركز في مذاكرتك
شكرا يا ....
رن هاتفه ايوه يا ماما
اشاره لاشرف بيده انه سينصرف
انت في مستشفى ايه ..... حاضر جاي
ذهب الى والدته وقابلها على باب المستشفى كانت تبكي
خير يا حبيبتي في ايه
ماهي تعبانه قوي احنا جينا عشان نعمل لها فحوصات لانها بتحس باعراض معينه والتحاليل والدكاتره هنا قالوا ان عندها سړطان
ايه مش ممكن وهي فين دلوقتي
هي لسه ما تعرفش انا جيت اعرف نتيجه التحاليل وبلغوني بالخبر تعالى نخرجها نفسحها ونقول لها الخبر بالراحه
طب قالوا لك ايه ثاني
قالوا انها ممكن تتعالج وتبقى كويسه بس اهم حاجه تبقى من جواها مقتنعه بالعلاج لانه بيساعدها على الشفا ويبقى لها هدف تعيش عشانه
ذهب زياد ليرفه عن ابنه عمه ونسى الاتصال على هدى
بقلمي سحر السحرتي
وقامت مديحه بتصويره هو وماهيتاب وانزلتها على صفحتها على فيسبوك وكتبت
يا رب نسمع اخبار حلوه
واشارت له ولمهتاب حتى يرى كل اصدقائهم الصور
ومن ضمنهم تولين
فهم زياد ان كلمه الاخبار الحلوه عن شفاء ماهي
دخلت مديحه غرفه ماهي لتخبرها بنتيجه التحاليل وخرجت حزينه تبكي
خير يا ماما عملت ايه معاها
زعلت وعيطت ورفضت العلاج
ايه ليه
بتقول هتعيش ليه وهي ما عندهاش هدف للحياه بس انا قدرت افهم من كلامها انها لو اتجوزت اللي بتحبه هتوافق على العلاج
طب سهله نكلم اللي هي بتحبه
تفتكر هيرضى ينقذها من المۏت
هو في انسان يبقى في ايده انقاذ واحده جميله زي ماهي ويتاخر
حتى لو الحد ده انت
انا لا مستحيل يا ماما انت فاهمه اني مرتبط
يا حبيبي اخطبها بس لغايه لما تتعالج وبعدين سيبها اظن ما فيهاش حاجه والبنت اللي انت مرتبط بيها لو بتحبك اكيد هتقف جنبك بنت عمك زي اختك وعمك ما خلفش غيرها يرضيك يجرى له حاجه عمك ممكن ېموت بعدها انت كده بتنقذ اثنين
يا ماما تولين سافرت زعلانه مني ومنك ومش عارف اصالحها ولا قادر اسافر وراها اشرح لها ازاي اني هخطب
الخطوبه هتبقى لمده محدده اول لما تتعالج اوعدك نفسخها على طول
اخذت زياد من يده وادخلته لمهيتاب
خلاص يا ماهي يا حبيبتي زياد طلب ايدك مني والخطوبه بكره وانا هتفق مع باباكي وابلغه
شكرا يا زياد انت انقذت حياتي
على ايه المهم انت تبقي كويسه
اعدت مديحه لحفل الخطوبه وحاولت اشغال زياد ومنعه باي وسيله من الاتصال باي احد الى ان تقوم بنشر صور الخطوبه فتراها تولين قبل ان يشرح لها زياد
بعد يومين من عوده الفريق في التمرين تحدث اشرف مع تولين كما اوصاه زياد
توله مش بتردي على تليفونك ليه احنا هنبدا الترم الثاني ومش فاضي لك انت وسي زفت بتاعك ههههههه
ردت عليه بوجه عابس
خير يا اشرف
مالك انا بهزر معاكي زياد محملني امانه اني لازم اتكلم معاكي واوضح لك انه ما يقصدش
خلاص يا اشرف خلصت
لا انت عارفه زياد طيب وممكن يكون غلط في التعبير بتحصل
طيب انا معاك بتحصل قولي انت اخر مره كلمته امتى
ثاني يوم ما سافرتي انتي ليه
عشان كده انت ما تعرفش
اعرف ايه
اعطت له هاتفها فقد وضعت صوره خطوبته واجهه للشاشه لتتذكر ماذا فعل كلما فتحته
مش مصدق حصل امتى الكلام ده اكيد في حاجه غلط
الغلط اني صدقته والغلط الاكبر انت كنت ناوي تعمله دلوقتي وتبرر له كلامه اظن ما فيش شك بعد كده انه كان يقصد كل كلمه قالها
اسمعيني بس هكلمه وافهم منه ايه اللي حصل
وبعد ما تكلمه وتفهم ايه اللي هيتغير
تعرفي اللي حصل وتعذريه
مش عايزه اعرف اي حاجه عنه واذا فعلا عايزنا نفضل اخوات احذر تجيب سيرته قدامي فاهم
بسهوله كده بعتيه
الناس بتقول عليا انا اللي مخي تخين هو
اسف مش قصدي شفتي انا خرجت كلمه من غير ما افكر زيه اللي اقصده مش ناويه تحاربي عشانه تفهمي هو عمل كده ليه
ما
كل الامور اللي حصلت بتفسر هو عمل كده ليه هو مش حكى لك
انا هتجنن ده كان هيعيط
وعايز ينزل بس الدراسه منعته
هيعيط اه حساس قوي هو يمكن كان هيعيط من الفرحه انه
خلاص سابني وخلص مني
ما تقوليش كده زياد صاحبي وانا عارفه كويس مش هقدر ادافع عنه
اكثر من كده غير لما افهم اديني فرصه اعرف اسبابه
قالت بنبره صارمه
خلصت يا اشرف انا عارفه قيمه نفسي كويس قوي وعارفه اني استاهل حد احسن من زياد وهستنى يجي ولو ما جاش عمري ما هرمي نفسي مع واحد بيستقل بيا ارجوك افتكر كلامي كويس لو جبت سيرته قدامي ثاني اعرف ان صداقتنا انتهت رغم اني بعتز بيها قوي سلام
وتركته وذهبت لم تعطه فرصة أخرى للكلام
هل فعلا انتهت علاقة الحب بينهم ولا سبيل للرجوع
ضوء القمر
حلقة ١
امسك اشرف هاتفه واتصل على زياد وهو في قمه غضبه
اشرف كنت لسه هكلمك
ولما انت خطبت مش تبلغني بدل ما انا عامل زي الكتكوت المبلول قدام تولين وبدافع عنك بقلب جامد وانا نايم على وداني واخر من يعلم
هي عرفت ازاي مين اللي قال لها
ابدا حلمت بيك انت بتستهبل دي معاها صور الخطوبه
وجابتها منين
هو ده كل اللي يهمك انت كسرت قلبها فتافيت لولا اننا اصحاب من زمان كنت قاطعتك عملت كدة ليه في البنت تولين ما تستاهلش منك كدة
يا ابني افهم انا مجبور على الخطوبه دي
ازاي هو في راجل بيبقى مجبر على الجواز
شرح له زياد
ونبهت على ماما ما تنزلش صور دلوقتي على ما الاقي طريقة اوصل بيها لتولين و افهما
ماما اااه قلتلي ده اكيد مامتك هي اللي بعتت لها الصور وما كلمتنيش ليه فهمتني كنت شرحت لها بدل ما انا زي الحمار في الزفة وبحاول
فات الاوان
هي تولين حصل لها حاجه
لا منعتني اجيب سيرتك والا هتقطع علاقتها بيا وصداقتنا هتبقى في خبر كان وانت عارف تولين عنيده وانا بصراحه بعتز بصداقتها
والحل اعمل ايه دلوقتي افهمها ازاي
ما فيش قدامك حل غير طنط هدى وباباك
عندك حق هكلمهم سلام
بقلمي سحر السحرتي
ذهب زياد الى امه لمعاتبتها لارسال الصور لتولين
ليه كده يا ماما اهي قطعتني ومش عايزه تكلمني
ايه الاوفر ده انا بعت لها الصور وكنت لسه بكتب لها واشرح انت عملت كده ليه وابلغها اني موافقه انك تتجوزها لقيتها عملت لي بلوك غلطت اني كنت عايزه اساعدك واعتذر لها من اللي حصل مني
ارجوك من هنا لحد ما تخف مهيتاب بلاش تدخلي في حياتي او اقول لك بلاش تدخلي نهائي انت كل مرة بدل ما تصلحي بتبوظي هو انا مش ابنك
منتهى الحرفيه في تمثيل دور البراءه والدموع تتلالا في عينيها
انا اخص عليك يا زياد انت ابني حبيبي واضح انها بتفهم الكلام غلط ومش بتدي فرصه لحد يشرح لها النوع ده متعب قوي وكل كلمه لازم تحسب حسابها عموما لما نرجع مصر هقابلها واشرح لها بنفسي
لا بلاش انت كل مره بتقابليها بتعملي الواجب وزياده
صدقني هكلمها هروح الفيلا عند باباك وهو موجود واساله حتى
هي مش قاعده في الفيلا عند بابا
معقول هي كانت تحلم تعيش في العز بتاع باباك
شفتي بقى عندها عزه نفس ومش طمعانه في حاجه ارجوك ابعدي نفسك عن الموضوع ده
حتى يتخلص من تداخل والدته حتى لا تزيد الطين بله
عموما انا هركز على مذاكرتي ومستقبلي وهي اللي اختارت مش عايزه تفهم هي الخسرانه
يعني شلت موضوعها من دماغك
اه هعمل ايه يعني هنزل واسيب مستقبلي عشان افهمها راحت يجي غيرها 1000 انا كمان مش هذل نفسي لاي حد حتى لو روحي فيه
صح يا حبيبي وماهي هتخف وتبقى كويسه وممكن تكمل معاها
نشوف الموضوع ده بعدين هتسافروا امتى
كم يوم كده يا حبيبي على ما نفسيه ماهي تبقى كويسه عشان تبدا العلاج
خرج زياد ليتحدث مع هدى دون ان تسمعه
والدته
ازيك يا حبيبي عامل ايه خير يا زياد بتتصل على بابا مش بيرد
لا يا طنط كنت عايز اعتذر عن اللي حصل واشرح لك ارجوك تفهميني
هو ايه اللي حصل اتخانقت مع تولين
هي ما حكتش لحضرتك
لا من يوم ما رجعت جت سلمت عليا ومن يومها عندها تمارين وحفلات بس كانت متغيره ولما سالتها قالت ما فيش
طب انا هحكي لك بس صدقيني واقفي جنبي انا عارف ان ان قلبك كبير
بقلمي سحر السحرتي
وبمنتهى الخجل حدثها وقص عليها ما حدث
هو ده كل حاجه وصدقيني انا بحبها ومش ممكن اتجوز غيرها
هو بابا حكى لك حكايتنا
لا قال انكم اتخطبتوا زمان وما حصلش نصيب
انا هحكي لك عشان تفهم ان اللي حصل معايا بيتكرر معاها بس المره دي بتتذل باعاقتها وارجوك اللي هحكي لك بلاش يغير فكرتك عن مامتك هي برضة امك
ماما هي مالها باللي حصل معاكي
والدتك السبب ان الجواز ما تمش بيني وبين باباك
ازاي
كانت بتحبه وهو كان بيعتبرها اخته ولما اتخطبنا اڼتحرت وانقذوها وهددت انها لو متجوزتش والدك هتفضل تجرب الاڼتحار لحد ما تنجح وامام اصرارها هي وجدك باباك صارحني وخيرني انه يتجوزنا احنا الاثنين وهي مش ممانعه .... انا احترمته بس رفضته رغم اني حبيته قوي خصوصا ان والدتك اصرت عليه هي وجدك واجبرتهم يوافقوا بطريقه مش لطيفه فاكيد هتخطط لغايه لما تخلص مني ..... خصوصا انه ميال ليا وبيحبني ففضلت ان اخرج من صراع هخسر منه اكثر ما هكسب فيه
طب وتولين ايه علاقتها وازاي بيتكرر معاها
انت متاكد ان بنت عمك فعلا تعبانه وان والدتك لما بعتت الصور كانت فعلا بتشرح لها والدتك مش سهله وزي ما فهمت من عماد انها حاولت كثير تاثر عليك من زمان انك تتجوز بنت عمك وعلى فكره محاولات الاڼتحار اللي هي عملتها كانت مزيفه
لا ماما عمرها ما تعمل فيا كده هي بتحبني
ومين قال لك انها لما عملت كده كانت بتكرهك اللي فهمته انها عايزه ثروه عمك تبقى لك من بعده هي كده بتحبك بطريقتها حتى لو كانت الطريقه غلط في نظرك لان في نظرها ده قمه الصح
انا هحاول اوصل للحقيقه بس تولين هعمل معاها ايه
مش هوعدك اني اصلح كل اللي حصل لانه ضغط على نقطة ضعفها بقسۏة انت عارف اي حد بيحاول يلمح بس ان عندها اعاقة بيكون رد فعلها صعب اللي اقدر اوعدك بيه اني اتكلم معاها واشرح لها هي زي ما انت عارف عنيده وسيب كل حاجه للوقت
بعد مرور فتره ومحاولات فاشله من هدى وعماد لجعل تولين ان تغفر لزياد خطاه اتصل اشرف على زياد
قل لي انك عملتها وخليتها تسامحني
لا طبعا ولا حاولت اتناقش معاها من ساعه ما حذرتني ما فتحتش معاها الموضوع
امال بتكلمني ليه
هو احنا مش اصحاب يا ندل ولة وقت ما يكون لك مصلحة بس
هو انت مش قلت مشغول بمشاريع الكليه عشان كدة ما بحبش اعطلك
اصل زهقت وخرجت مع اصحابي اغير جو ورحنا نايت كلاب
وبعدين احصلك يعني
ما تتهد شويه خليني اشرح لك شفت خطيبتك هناك
تولين بتعمل ايه
هو انت خطبت تولين ومفيش غيرها في دماغك ماهي بنت عمك
وايه يعني هي بتخرج على طول
اصل شفتها بتشرب
وفيها ايه هو انا خطيبها بجد همنعها يعني ما تن
اشمعنا
عشان تجيب لي
اصل الحكايه
حكايه ايه
طنط هدى شككتني ان ماهيتاب ممكن تكون مش تعبانه اصلا ودي خدعة من ماما
وانا قلت انها ممكن تكون منفسنة منها وقلت مش معقول ماما هتكذب عليا
طنط هدى منفسنة دي
ما فيش اطيب منها
بقلمي سحر السحرتي
الشيطان بقى لاعب بدماغي ولما كلمتني وقلت انها بتشرب وده غلط
