رواية كاملة بقلم منه ضياء
المحتويات
ما الډم يبقا مايه ي صحبي.. وطبطب عادل ع دراع ياسر.. قوم معايا نروح للدكتور لان وشك پينزف جامد جنب عينك وياريت تفكر ف اللي قولته..
ياسر حاسس ان جواه ڼار ومش عارف يقول اي ولا يعمل اي ولا حتى يتصرف ازاي.. وقال لنفسه بس اكيد كلام عادل صح بس ڠصب عني انا عايزها ليا..
عادل اخده ع المستشفى و الدكتور قال ان كان ف كسر ف دراعه اليمين و جبسه ورجع البيت..
شريف رجع و كانت امه وابوه وابتسام قعدين ف الصالة وبيتفرجوا ع التلفزيون..
شريف السلام عليكم ورحمة الله وبركاته..
كلهم وعليكم السلام ورحمة الله وبركاته..
شريف راح قعد جنب ابتسام..
فاتن كنت فين ي شريف اتاخرت بره كده
ليه.
شريف معلش ي امي.. كنت عند نسمه وهي كانت تعبانه شويه فاضطريت اقعد معاها..
حازم تعبانه.. تعبانه مالها ي بني ماخدتهاش عند الدكتور ليه..
شريف اخدتها ي بابا وقال انها تمام بس ده شوية ارهاق وبس.
فاتن بزعل ربنا يشفيها دي طيبه وبتحب الكل و مش بتحب تاذي حد ابدا.
شريف يارب يا امي.
ابتسام اه صحيح ي شريف هو ياسر فين بقاله كذا يوم مش بيجي يعني..
شريف الڠضب بان ع ملامحه و سابهم وراح ع الاوضه وقفل الباب جامد والكل اتخض..
ابتسام ف اي ي ماما ماله شريف هو انا قولت حاجه غلط..
فاتن ي بنتي سبيه مراته تعبانه والله اعلم الدكتور قاله اي ولا حصل اي ربنا معاه..
حازم وابتسام اللهم آمين.
عند نسمه..
دخلت اوضتي وكلمت واحده صديقه ليا ف الشغل..
السلام عليكم ورحمة الله وبركاته..
نجلاء وعليكم السلام ورحمة الله وبركاته.. ازيك ي نسمه عامله اي ي بنتي وحشتينا وطالت الغيبه.. والله حاسه بفراغ من غيرك..
الحمدلله بخير.. انتي عامله اي والمستشفى والحالات اللي كنت بتابع معاها والله انا عارفه اني مقصره بس اعمل اي والله مش عارفه انزل المستشفى خالص عايشه ف دوامه مش عارفه اولها من اخرها بس بقول لنفسي احاول اجي بكرا المستشفى ع الاقل هغير جو..
نجلاء كله تمام ي نسوم والله وتحت السيطره ومتشغليش بالك اهم حاجه تهتمي بنفسك وسيبي الباقي ع الله ربنا قادر ع كل شئ قادر انه يدبر امورك و يجبر بخاطرك.. ولو مش قادره تيجي بكرا خلاص خليكي من بداية الاسبوع..
ونعم بالله العلي العظيم.. لا انا هحاول اجي لاني معتش
قادره اقعد ف البيت.
نجلاء ماشي ي حب تعالي واقعد معاك وافهم فيكي اي..
ماشي ي نوجا ان شاء الله.. سلام.
نجلاء سلام وقفلوا مع بعض..
عند عمرو....
دخل الاوضه غير هدومه و دماغه مصدعه خرج عمل كوبايه قهوة لان هدى كانت عند واحده جارتهم ومحبش يقلق نسمه.. عمل كوباية القهوة ودخل اوضته ومسك فونه ورن ع شهد وقعدوا يتكلموا بس مقلش ليها حاجه وشهد كانت حاسه انه مضايق وحاولت تخرجه من مود الزعل اللي هو فيه وقدرت فعلا تعمل ده..
عند شريف..
شريف بعت رساله لنسمه عامله اي.. ومستني الرد منها..
عند نسمه..
كنت بنظم الاوضه بتاعتي و بعد مخلصت مسكت الفون ولقيت شريف باعت الرساله من حوالي ربع ساعه فتحة الرساله وبعتله.. الحمدلله تمام وانت عامل اي..
شريف بخير مادام انتي ف حياتي وبخير ي نسمه..
نسمه احم... شريف بقولك.
شريف قولي.
نسمه عايزه انزل بكره المستشفى..
شريف انتي بتهزري ي نسمه صح انتي عارفه انك تعبانه وكمان هتبقي لوحدك هناك مفيش حد من عيلتك معاكي ومن ساعة اللي حصل وانا قلبي مش مطمن الله يرضى عنك ي نسمه شيلي موضوع نزول الشغل الوقتي من دماغك خالص لحد ما اشوف هتصرف ازاي مع ياسر..
شوفت الرساله واخدت نفس وخرجته ببطء وبعتله.. متقلقش والله ي شريف انا هبقا ف امان وانا هبقا مرتاحه لما اروح شغلي اللي بحبه واختلط بالناس من اول وجديد وهتكلم مع الكل والله هنسى كل حاجه..
شريف اعملي ي نسمه اللي يريحك بس انا اللي هوصلك بس للاسف مش هعرف ارجع اخدك من المستشفى لاني هبقا لسه ف الشغل ابقي خلي بالك من نفسك..
نسمه ماشي ي حبيبي..
شريف تمام.
شريف قفل وانا فضلت ماسكه الفون لمدة دقيقتين ولقيتني ببعتله.. شريف هو لو ياسر رجع ندمان هتسامحه.
شريف شاف الرساله وانا قلبي بيدق اوي وخاېفه من رد فعله وقعدة اقول لنفسي ليه قولت كده انا غبيه غبيه وفضلت الوم نفسي لحد مالقيت منه رساله..
شريف اسامحه!! نسمه انا مش عارف ليه ياسر اصلا عمل كده انتي مش غريبه ي نسمه انتي كنت ف وسطنا دايما وكنتي شايفه ان انا وياسر كنا شخص واحد وقلب واحد كنت مأمنه
ع روحي وحياتي انا مش قادر ازعل من ياسر ولا اغضب عليه وف نفس الوقت
مش قادر اتخطى انه فكر فيكي بالطريقه
القذره دي ولا حتى قادر اتخيل ان هو اللي حاول ېقتلني بدل المره اتنين وتلاته مش قادر افهم هو ازاي قدر يتغير 180 درجه كده ياسر كان ضهري وانا ضهري مال وانا اتكسرت.. صدقيني انا تايه عايز اروح اقتله بسبب اللي عمله وف نفس الوقت مش هقدر اتحمل انه يتاذى ف حاجات كتير جوايا عكس بعض انا مش عارف انتي هتفهميني ولا لا علشان انا نفسي مش عارف انا عايز اي ولا محتاج اي كل اللي عارفه اني عايز اخويا يرجع ياسر بتاع زمان اللي اول ما احتاج حاجه مش بيجي ف بالي الا هو مش
علشان اخويا لا علشان هو كان اخويا وابويا وصاحبي وضهري وحاجات كتير نفسي اعرف هو قرر انه يخذلني ليه..
كنت بقرا الرساله وانا دموعي نازله ع خدي لان انا اكتر واحده عارفه قد اي شريف و ياسر بيحبوا بعض اوي ومفيش حد فيهم يقدر يستغنى عن التاني وكان دايما ايديهم ف ايد بعض بس ليه كل شئ اتغير..
مكنتش عارفه ارد وبعتله اكيد ف حاجه كبيره هي اللي خلته يعمل كده وسيبها ع الله ي حبيبي وان شاء الله هنعرف منه هو اي اللي غيره.
شريف تمام روحي يلا شوفي بتعملي اي..
نسمه سلام.
شريف بحزن كبير اوي دخل نام..
ونسمه قعدة ع الارض وعيطت ع الحال اللي وصلوا ليه..
عند ايمن وعايده..
عايده قامت من النوم وجهزت الاكل وقعدوا ياكلوا وعايده اصرت ان ايمن يحكي ليها اللي حصل.. وايمن فعلا قال ليها اللي حصل وكانت عايده مصدومه من اللي بتسمعه هي بقالها حوالي سنين متجوزه وعارفه قد اي شريف وياسر متمسكين ببعض وعدى اليوم وكان الكل مضايق..
تاني يوم..
قومت لبست ف معادي لقيت ماما بتجهز الفطار لبابا..
هدى راحه فين ي نسمه..
صباح الخير الاول..
هدى صباح النور بس مقولتليش بردو راحه فين..
نازله المستشفى قولت اغير جو وانزل شغلي تاني احسن القبض الشهر ده خلاص مفيش قبض انا اخدت الشهر كله نوم..
هدى ولو.. تتحرق الفلوس اهم حاجه صحتك وراحتك.. ادخدلي ي حبيبتي غيري هدومك وبلاش تنزلي وتتعبي نفسك. وبعدين شريف لو عرف هيزعل و هيضايق..
لا متقلقيش ي حبيبتي انا قولت لشريف وهو وافق..
هدى بقلة حيله خلاص اعملي اللي يريحك بما ان جوزك عارف.
قربت عليها بوستها من خدها حبيبتي ي ماما متحرمش منك..
هدى بابتسامه ولا منك ي بنتي.. يلا افطري علشان تنزلي..
ف الوقت ده خرج ادهم وكان جاهز علشان يفطر وينزل..
ادهم صباح الخير..
هدى صباح الخير..
قومت من ع الكرسي وقربت ع بابا وبوسة ع
ايده صباح الهنا ي حبيبي...
ادهم الله يهنيكي ي بنتي.. اي ده انتي نازله المستشفى ولا اي..
ايوه ي يابا ان شاء الله..
اتكلمت هدى والله ي ابو ايمن قعدة اقولها بلاش تنزلي وادخلي ارتاحي هي مش راضيه..
ادهم مسد ع حجاب نسمه بما ان هي هتبقا مرتاحه انا هبقا مرتاح و مش هعارضها..
حبيبي ي بابا متحرمش منك..
فطرت حاجه بسيطه ولقيت شريف بيرن عليا علشان انزله ويوصلني..
وعدى الاسبوعين وهقول اي اللي حصل ف ..
ايمن مهتم بعايده جدا وبيساعدها ف بعض الحاجات اللي بيعرف يعملها..
شريف حبه لنسمه كل يوم بيزيد اكتر واكتر ومحبش يقول لاهله حاجه عن ياسر لاسباب كتير منها انه خاېف ع امه وابوه من الصدمه.. و خاېف ياسر يخسر الكل ويبقا وحيد و خاف انه يبوظ فرحة عمرو... واتفق مع كل اللي عارف انهم ميجبوش سيرة لحد ما الوقت ده يعدى..
وها قد جاء يوم الخطوبه....
شريف جاب فستان وجزمه و حجاب
ايمن جاب لعايده فستان واسع شوية علشان تاخد راحتها فيه..
ايمن خدي ي قلبي ده فستان جبته ليكي..
عايده بفرحه حبيبي متحرمش منك ابدا وطلعت الفستان من الشنطه..
ايمن بصي بقا ي روحي انا جايبه ليكي واسع علشان تبقي مرتاحه فيه..
عايده لبسته علشان تقيسه كان فعلا مظبوط عليها كانه متفصل ليها بالظبط..
عايده بصت لايمن واتكلمت بنبره تخوف تقصد اي ي ايمن باللي قولته ده..
ايمن بلع ريقه پخوف بس انا مقولتش حاجه..
عايده اومال مين اللي قال انا جبت الفستان واسع!
ايمن بعدم فهم انا.
عايده يعني تقصد اني
ايمن لا والله مقصدش كده وقبل مايكمل كلامه..
لفت عايده للمرايا بدموع هو انا
بجد تخنت ي ايمن ومعتش هتحبني زي الاول وهتروح تتجوز عليا..
ايمن مصډوم وقرب ليها ولف وشها ليه اي اللي انتي بتقوليه ده.. انا اقصد انك تبقي مرتاحه فيه والله ما اقصد حاجه ده انتي قمر ي ديدا.. وبعدين اي الهبل اللي بتقوليه ده هو انا شقطك ي بت علشان اشوف غيرك ده انا بعشقك ي بت اخدك ع حب يعني.. اضحكي بقا والله ما اقصد.
ضحكت عايده احم وانا كمان بحبك..
قولي بقا جبت اي لريم ورحيم.
ايمن مسك ايد عايده تعالي وانا اقولك..
واخدها علشان
تشوف هو جاب اي....
عند ياسر..
ياسر مضطر يحضر الخطوبه علشان اهله ميقولوش ليه مش هتحضر ..
بسم الله....
دخلت اوضتي بعد ما شريف مشى ومسكت الفستان حطيته عليا وقعدة الف ف الاوضه وانا قلبي بيرقص من الفرحه حقيقي الفستان يجنن وقفت قدام المرايا ومستنيه اللحظه اللي هلبسه وامشي معاه وانا ايدي ف ايده..
عند شهد.....
شهد قعده ف الاوضه بتاعتها وبنات العيله والجيران قعدين معاها وشهد جواها احساس فرحه ممزوجه بكسوف ووشها منور من السعاده..
بره ف الصاله شباب عيلة شهد بيزينوا الصاله بالانوار والزينه وعملوا ديكور جامد ل الصاله كانها قاعة افراح..
ف المطبخ عند امنيه والدة شهد واقفه هي واخواتها و واحده جارتهم ف نفس العماره.. بيجهزوا الاكل والكل فرحان...
عند عمرو..
هدى جهزة لعمرو هدومه والعطر بتاعه وكل حاجه تمام.. وهدى فرحتها بابنها مش قدره توصفها لحد وماشيه ف الشقه تزغرد من الفرحه...
عند شريف...
شريف ف اوضته وقافل ع نفسه ومش بيخرج من الاوضه غير للضروره طول ما ياسر ف البيت..
ياسر قاعد ف الاوضه بتاعته وقافل ع نفسه الباب والشبابيك كلها مقفله والستاير عليهم قاعد ع كرسي هزاز ومرجع راسه لورا ومغمض عينه وف ايده السچاره وع ملامحه الصمت والبرود لكن ف جواه حرب قايمه..
فاق ياسر ع صوت فاتن وهي بتخبط ع الباب..
فاتن ياسر.. تعالي كل لقمه ي حبيبي انت ماكلتش من امبارح ساعة الفطار.. وخبطت تاني.. طب ممكن افهم انت مالك وقافل ع نفسك ليه بقالك يومين.. ياسر رد
وعيطت ليه ي ياسر الاكل علشان نتغدى اصل الوقت بيجري وهيجي وقت الخطوبه..
ياسر ماشي ي امي اللي يريحك.
ياسر راح يغسل وشه وفاتن دخلت الاول فتحت الستاير والشبابيك واټصدمت من علب السجاير وكمية الدخان اللي ف الاوضه ودموعها نازله ع ابنها اللي حاسه انه بيروح منها..
ابتسام قعده ف اوضتها وفرحانه علشان راحه الخطوبه وجهزت لبسها علشان تلبس...
حازم رجع من شغله بدري وشريف اضطر يخرج ياكل معاهم علشان يبان ان كل حاجه طبيعيه.. والكل اتجمع وبداو ياكلوا مع بعض..
عدى الوقت والكل بدا يجهز.. ابتسام لبست فستان زهري وحجاب ابيض وكانت تشبه القمر وكانت فرحانه اوي شريف لابس بنطلون اسود وتشيرت نبيتي وكوتش ابيض وياسر بنطلون جينز كحلي وتشيرت ازرق.. وفاتن وحازم جهزوا واتحركوا ع بيت شهد..
عند عمرو...
عمرو لابس بنطلون اسود وقميص ابيض وكوتش ابيض وكان بكامل اناقته..
نسمه لابسه فستان نبيتي واسع وحجاب ابيض وراحت تشوف عمرو..
خبطت وعمرو سمحلي بالدخول..
اممم الظاهر انك بقيت جاهز..
عمرو بابتسامه ايوه ي حبيبتي اي رايك انفع عريس..
قربت ليه ياااه ده انت احلى عريس شافته عيني ربنا يحميك والف مبارك وربنا يتمم فرحتك ع خير ويسعدك يارب.
عمرو بفرحه يارب ي حبيبتي.. يلا نشوف ماما وبابا ي قمر
يلا بينا..
ادهم و هدى خرجوا من الاوضه وكانوا جهزين عمرو اخد بوكيه الورد وكلهم راحوا عند شهد..
ايمن خلص وجهز وريم ورحيم كمان لكن عايده اخدت وقت طويل وهي بتلبس..
ايمن يلا ي عايد ابوس ايدك..
عايده بزهق حاضر ي ايمن
شهد كانت واقفه مع دعاء اختها ف الاوضه وكل حاجه تمام ومستنين وصول عمرو وبعد دقايق سمعت شهد صوت هيصه بتعلن عن وصول عمرو وعيلته وشهد قلبها بيدق من الفرحه.. دعاء كانت لابسه فستان بيبي بلو وكانت قمر بمعنى الكلمه الكل حضر وشريف راح مسك ايد نسمه ومقعدها جنبه طول الوقت وياسر واقف بعيد عند الباب.. خرجت شهد وعمرو استقبلها بابتسامه جميله ولبسوا لبعض الشبكه والكل بيهني ويبارك..
امنيه شايله صنية العصير و ندهت ع دعاء..
دعاء ايوه ي ماما..
امنيه خدي ي بت العصير ده وزعي ع الكل..
دعاء حاضر ي ماما..
اتحركت دعاء بصنية العصير وندهت عليها امها تاني..
كانت دعاء وقفه قريب من ياسر.. وياسر لوحده قريب من الباب واللي رايح واللي جاي يسلم عليه وبس ف حاجه جواه بتقوله متدخلش جوه..
رجعت امنيه ندهت ع دعاء..
دعاء نفخت بضيق وقربت من ياسر حطت الصنيه ف ايده اتفضل ي اسمك اي انت وزع العصير ع المعازيم واعطي للكل متقصرش رقبتنا قدام الناس الغريبه... قالت دعاء جملتها بسرعه وسابته ومشيت..
اتكلم ياسر پصدمه انا اوزع عايزه عصير بدل ما انت واقف تتفرج ع الصنيه كده..
ياسر احم.. اتفضلي عصير اهو..
الست تسلم ي حبيبي.. يلا روح اعطي للناس الباقيه..
ياسر بنفاذ صبر حاضر وراح بالفعل وزع عصير ع الكل.. والكل كان مبسوط وفرحان وبعد شوية وقت الكل بدا يمشي وكل واحد رجع ع بيته..
ياسر رجع البيت وبيغير هدومه وكل شويه يفتكر عايده وهي بتقوله وزع ع الكل متقصرش رقبتنا وابتسم ع الموقف اللي كان فيه..
والكل رجع بيته وهو جواه حاجات كتير اوي ومشاعر بتجدد وتتغير..
تاني يوم نزلت المستشفى وشريف هو اللي وصلني ف طريقه كالعاده.. وقبل ما انزل من العربيه لقيته مسك ايدي.
شريف نسمه..
ها..
شريف اعملي حسابك اننا هنحدد معاد الفرح علشان اخدك لعالمي..
شريف.. بس هو.
شريف مفيش بس ي نسمه.. كده كده طنط هدى عامله
حسابها اننا هنتعشا معاكم بكرا يبقا خلاص واحنا قعدين نتفق ع ميعاد الفرح واهو الشقه جهزه وكل حاجه تمام ومستنيه اي تاني بقاا..
مكنتش عارفه اقول اي هزيت راسي بالموافقه وشيلت ايدي من ايده وهربت من قدامه.. شريف راح ع شغله...
دخلت المستشفى وروحت ع مكتب دكريم وشوفت الحالات
الجديده وبدات اتابع معاهم.
عدى اليوم من غير اي احداث تاني يوم نزلت المستشفى كالعاده ورجعت نمت شويه....
هدى نسمه.. قومي ي نسمه فات الكل ع وصول..
امممم. حاضر ياماما هقوم اهو..
هدى ي بت قومي معتش وقت اخوكي اجى هو وعايده و اولاده..
قومت واتكلمت بزهق اهو ي ماما قومت..
هدى ماشي يلا قومي اجهزي والبسي حجاب علشان ياسر جاي معاهم..
بلعت ريقي واتكلمت بصعوبه ه. هو جاي معاهم.. م. مين قالك..
هدى والله طنطك فاتن قالت انه
مش هيجي بس انا حلفت انه يجي ابدا
مينعش الكل يجي وهو لا..
احم.. تمام يا ماما نص ساعه وهكون جهزه..
هدى ماشي ي حبيبتي..
خرجت هدى وانا بدات اجهز..
بعد حوالي ساعه شريف وصل وعيلته وايمن كان موجود وعيلته.. وكده الكل متجمع..
ياسر قاعد وبيحاول يهرب من نظرات الكل..
كنت قعده جنت ماما..
شريف تعالي ي نسمه هنا..
فاتن قومي ي بت اقعدي جنب جوزك ما تتكسفيش..
قومت بصمت وقعدة جنبه.. والكل بدا ياكل وياسر مرفعش عينه من طبقه.
هدى بفرحه ان الكل متجمع اتفضلوا كلوا البيت بيتكم.. دايما يارب متجمعين ف الفرح..
حازم اللهم امين يارب العالمين.
الكل خلص اكل وقومت شيلت الاطباق مع ماما وعملت الشاي وقعدنا...
شريف بصوت واطي اي رايك تفتحي انتي الموضوع وتقولي انك عايزه تتجوزي بقا..
فتحت عيني من الصدمه.. انا اقول كده!
شريف خلاص خلاص انا هقول..
شريف لسه هيتكلم بس سبقه ياسر وقال معلش استاذنكم اقف ف البلكونه دقيقتين.
هدى اتفضل ي بني البيت بيتك.
ياسر شكراا..
ياسر دخل البلكونه ۏلع سېجاره وكلم عادل صحبه..
ياسر الوو..
عادل ايوه ي عم فينك فونك مقفول ليه..
ياسر مفيش كنت عامله وضع طيران وناسيه.. المهم انت عامل اي..
عادل انا تمام قولي روحت مع اخوك عند عمك اوعى تقول انك بوظت الدنيا.. احنا اتفقنا انك تتصرف بعقل..
ياسر بعصبيه خلاص ي عم
ياسر قفل مع عادل وواقف ف البلكونه..
جوه عند باقي العيله..
ريم ماما.. ماما انا ورحيم هننزل نلعب مع العيال تحت..
عايده لا ادخلوا العبوا ف الاوضه مع بعض..
رحيم يا مامي بليزززز هنلعب شوية صغيرين بس..
عايده مليش دعوه قولوا لبابا.
ريم ورحيم راحوا عند ايمن..
رحيم بابي ممكن انزل العب شويه انا وريم..
ريم بليز بابي والله مش هروح بعيد..
ايمن ماشي بس خلوا بالكم من بعض ومش تروحوا بعيد..
ريم ورحيم حاضر... ونزلوا
شريف معلش ي جماعه انا عايز احدد ميعاد فرحي ده عمرو هيتجوز وانا لسه كاتب كتاب بس..
عمرو ضړب كف ع كف استغفر الله العظيم.. شوفوا الجدع كاتب كتابه وباصص للغلبان اللي يدوب لبس دبل بس..
الكل ضحك..
شريف اركن انت بس ع جنب.
ادهم طب ما تستنى لقدام شويه وتعمل فرحك مع فرح عمرو...
عمرو حرك حواجبه بيغيظ شريف ايوه كده استناني..
شريف لا مستحيل.. احم قصدي انا هتجوز اول وهو يتجوز بعدين براحتوا وفرح لوحدوا..
ادهم خلاص زي ما تحب بما ان كل حاجه جهزه يبقا تمام..
حازم خلاص الفرح يبقا الجمعه دي لا الجمعه اللي بعدها.. اي رايكم.
عمرو عدل ياقة القميص بغرور تمام تمام الميعاد كويس انا فاضي فيه مفيش عندي حاجه..
ايمن هو انت مفكر انك هتحضر!!
الكل ضحك..
عمرو اتكلم باحراج هي دي واقفت الرجوله واقف ضد اخوك..
ايمن بهزار حبيت اخليك ترجع لارض الواقع بس..
عمرو بضحكه ي عم حد كان قالك اني بحلم.. وفاجاه اتخضوا من ياسر وهو بيجري ع باب الشقه ونزل جري الرجاله اتخضوا ونزلوا وراه وعايده ونسمه وقفوا ف البلكونه يشوفوا ف اي وعايده صړخت لما شافت 3 رجاله كبار وكانوا مغطين وشهم ومش باين وكانوا شايلين ريم ورحيم وهنا الطفله اللي كانت بتلعب معاهم وبيجروا...
ياسر جرى وراهم ضړب واحد بوكس وضربه برجله وشد منه رحيم.. رحيم طلع يجري ع ابوه وقبل ما الاتنين التانين يجروا كان ياسر ضړب عن التلاته.. واخدوا اقوال الناس اللي شهدوا انهم كانوا بيخطفوا العيال وتم القبض عليهم..
الكل مشى وياسر لسه هيطلع وقفه ايمن وضربه بوكس ف وشه بدون مقدمات..
الكل كان مصډوم ومش فاهمين هو عمل كده ليه..
ايمن بصوت عالي لا انت كده تخطيت حدودك بقا انت تفكر ټخطف عيالي..
شريف مسك ياسر من ياقة قميصه وضربه كذا مره انت وصلت بيك الحقاره انك ټخطف بريئه ملهاش ذنب..
ياسر ا. نتم بتقولوا اي انا مستحيل اعمل كده...
لسه شريف هيضربه تاني صړخة فاتن ف ايييييي من امتى وانتم بتضربوا
بعض.. وقربت من شريف من امتى وانت بټضرب اخوك ي ابن بطني..
شريف اتعصب وسابهم ومشى..
جريت عليه شريف استنى ي شريف...
شريف زقني وركب عربيته ومشى...
حسيت ان الدنيا بتلف بيا سبت الكل وطلعت فوق وقعدت اعيط..
عيلة شريف رجعت بيتها وعيلة نسمه طلعت بيتها وايمن اخد
عيلته ومشى..
بسم الله..
تاني يوم.. صحيت من النوم الفجر وصليت وكنت هرن ع شريف اطمن عليه لكن رجعت ف كلامي لما افتكرت موقفه امبارح.. سيبت الفون تاني ودخلت انام ساعه قبل ما انزل الشغل.
عند شريف..
شريف كان قاعد ودماغة تعبته من كتر التفكير قام عمل قهوه وقعد يفكر ف ياسر واللي عمله معاه ووقف تفكير عند نقطه وهي لو ياسر فعلا كان مخطط انه يخطف ريم و رحيم و هنا ليه نزل ضړب العص. ابه.. طب اي هدفه اصلا معقول كان بيعمل كده علشان يخلي نسمه تروح ليه مقابل انه يرجع الاطفال.. ولا علشان هيظهر هو برئ.. طب هو ليه بلغ عنهم ما كانوا اكيد الرجاله دي اعترفوا ان ياسر معاهم.. نفخ بزهق وشرب القهوه ومسك الفون ورن ع نسمه لكن هي مردتش قفل ساب الفون ورجع لتفكيره تاني..
عند ياسر..
ياسر مرجعش معاهم البيت هو راح ع شقته اللي بيقعد فيها لوحده ومنمش طول الليل وقاعد سرحان ف حياته اللي اتقلبت فعلا ومبقاش فيها اي حاجه زي الاول كل حاجه اتغيرت حتى اخوه معتش بيثق فيه..
الساعه 7...
لقيت
شريف بيرن عليا علشان انزل ويوصلني المستشفى..
نزلت وركبت معاه من سكات وهو كمان متكلمش ولا كلمه و وصلنا عند المستشفى ولسه هنزل..
شريف نسمه..
فضلت ف مكاني وباصه للشباك..
شريف نسمه انا بكلمك ياريت تبصيلي..
نعم..
شريف نسمه انا بجد آسف والله مقصدش اني اسيبك وامشي ولا حتى اتجاهلك.. انتي عارفه انك شخص مهم ف حياتي لا انتي اصلا حياتي.. نسمه انتي عارفه اني بمر بفتره انا مش عارفه نهايتها اي.. انا حاسس ان كل حاجه هتنتهى بمو. تي..
اول ما سمعت الجمله الاخيره حطيت ايدي ع شفايفه بس ي شريف مش عايزه اسمع حاجه.. وياريت معتش تجيب سيرة المۏت..
شريف مسك ايد نسمه نسمه ماتزعليش مني بجد والله معرفتش انام طول الليل من كتر التفكير ف كل حاجه حواليا..
شريف انا مش زعلانه علشان اتجاهلتني ع قد مانا زعلانه من موقفك مع اخوك ياسر.. انت المفروض كنت تدافع عن ياسر لما ايمن وجه ليه اتهام بالخط. ف.. بس انت مستوعب انت عملت اي انت عملت نفس اللي عمله اخوك ياسر واكتر..
شريف بس انا معملتش حاجه لكل ده انا حقيقي معتش بثق ف اخو.. احم ف ياسر..
اضحك ع نفسك بالكلام ده.. انا معاك ان ياسر غلط بس صدقني هو عرف غلطه و عايز يرجع يبقا اخوك سندك.. لكن باللي عملته امبارح حطمت الجانب الكويس اللي جواه.. شريف انا بتمنى انك تراجع نفسك وتحاول تعطي لاخوك فرصه يتعلم من غلطه..
شريف مسح وشه وعيونه ف عيوني وساكت..
انا هدخل الوقتي المستشفى.. واتمنى تفكر ف اللي قولته.
دخلت المستشفى وهو راح ع شغله..
عند حازم وفاتن..
حازم خلاص بقا ي فاتن بطلي عياط انتي عارفه كويس ان شريف وياسر ميقدروش يستغنوا عن بعض..
فاتن بعياط لا يا حازم.. لا ابني ياسر بقا لوحده ابني بيضيع مني.. ابني بقا بيشرب سجاير ومعتش بيقعد معانا زي الاول ولا حتى مع اخوه اي اللي وصله للحاله دي.. واللي حصل امبارح اثبتلي ان ف حاجه حصلت بينهم انا مش عرفاها..
حازم طب ممكن تهدي.. عياطك ده مش هيقدم ولا هياخر حاجه.. انا مش هسكت غير لما اعرف ف اي.. واي اللي يخلي شريف يتهم ياسر بالخط. ف.. بس محدش فيهم هنا دلوقتي.. فانا هسيبك تقومي تصلي ركعتين لله وتدعي ليهم ان ربنا يهديهم وانا هنزل افتح الورشه واشتغل لحد ما يرجعوا وهنتكلم ونفهم منهم..
فاتن ان شاء الله..
نزل حازم وفاتن قامت تصلي..
ف البيت عند عمرو..
كانت الساعه 10 قام عمرو وشاف امه ف المطبخ بتجهز الفطار وكان ادهم لسه منزلش الشغل..
عمرو صباح
هدى اصل هو قال مفيش شغل انهارده علشان كدن هينزل متاخر انهارده.
عمرو تمام.. هاتي الاطباق دي احطها ع السفره..
هدى مدت ايدها بالاطباق خد حطهم هناك..
عمرو خدهم منها وحطهم تاني مكانهم ومسك ايدها اي بس ي ست الكل مضايقه ليه.. اوعي تكوني بتفكري ف اللي حصل امبارح..
هدى والله يا عمرو مش عارفه اقولك اي بس حقيقي مش عارفه ابطل تفكير ف ياسر ..
عمرو بعصبيه قبض ع ايده ياسر ده ندل مستحيل يكون اخو شريف اصلا..
هدى لا ي عمرو ياسر مش ندل ياسر جواه شخص كويس اوي بس عايز حد ياخد بايده ع الطريق
الصح علشان يفوق من اللي هو فيه..
عمرو ده ع اساس ان مكنش شريف جنبه ولا حتى عمو حازم ولا طنط فاتن ولا حتى احنا كمان.. طب بما انه هو بيحب نسمه اوي كده و متمسك بيها ليه مفكرش يصارحها ليه حاول ياذيها.. بلاش تقفي معاه علشان هو غلط..
هدى بقلة حيله خلاص هنتكلم بعدين.. خد بقا الاطباق دي.
الكل قعد يفطر..
بقلم Menna
عند ياسر..
ياسر اتصل ع عادل وقاله يعدي عليه..
عادل راح لياسر البيت وعادل جاب فطار وصمم ان ياسر يفطر معاه..
وبعد شوية وقت.
عادل ياسر بما انك زعلان ان اخوك معتش بيثق فيك ولا حتى بيكلمك يبقا انت لسه بتحب اخوك زي الاول او المعنى الصح انك فوقت من اللي انت فيه.. ياسر انت لازم ترجع علاقتك باخوك وتشوف حياتك من جديد وانسى نسمه.. نسمه بنت عمك و مرات اخوك و بس.. انت عمرك ما حبيتها ده كان اعجاب وبس اظن انك دلوقتي شايف كده ولا اي!!
ياسر مش عارف ي عادل بس انت كل ما بتكلمنى بتفتح عيوني ع حاجات انا مكنتش شايفها اصلا..
عادل
ياسر انت لازم تفوق من اللي انتي فيه.. بص انا هقف معاك بس توعدني انك تتغير للاحسن.
ياسر اوعدك..
عادل بص بقا اول حاجه تعملها انك تعبد عن نسمه بكل الطرق..
ياسر بس..
عادل مفيش بس اللي بيفكر يعمل حاجه بيحاول بكل الطرق ويعملها.. ولا هترجع ف كلامك..
ياسر....
عادل هو الموضوع مش سهل بس انت متفكرش كتير.. مش هي بنت عمك ومرات اخوك خلاص اتعامل ع الاساس ده وصدقني هتنساها وهتحب بجد بنت تحبك وتبقا من نصيبك..
ياسر راح تفكيره للبنت اللي حطت ف ايده صنية العصير..
عادل روحت فين ركز معايا.
ياسر كمل..
عادل وياسر قعدوا يتكلموا مع بعض وياسر قرر انه يتغير للاحسن...
عند نسمه..
خلصت شغل واجي الميعاد اللي بروح فيه.
روحت لدكتور كريم..
خبطت ع الباب... ممكن الدخل.
داتفضلي ي نسمه.
دكتور هيثم بلغني ان حضرتك عايزني..
دكريم ايوه ي نسمه.. انا كنت عايز اكلمك ف حاجه.
اتفضل حضرتك ده انا كده بدات اقلق.
دكريم لا مفيش حاجه تستاهل
كنت عايز اعرف سبب عدم انتظامك ف المستشفى..
احم.. دكتور
كريم انا عارفه اني اخر فتره قصرت جدا ف حضوري ف المستشفى بس انا كنت مضغوطه مكنتش عارفه اجي.
دكريم تمام.. بس اتمنى يكون ف نظام اكتر من كده ف الفتره الجايه.
ان شاء الله.. استاذنك انا كده وقت العمل بتاعي خلص.
دكريم ايوه اتفضلي..
خرجت وماشيه ف الطرقه قعده اقول لنفسي ماما وشريف مش عايزني انزل المستشفى اهو لاحظ غيابي استغفر الله وقعد اكلم نفسي وانا ماشيه وخرجت من المستشفى وكانت نجلاء مستنياني برا و رجعنا مع بعض..
عند ابتسام..
ابتسام ف اوضتها كانت بتتكلم ف الفون خلاص هقولك لماما كده واقنعها واشوف هعمل اي.
دينا تمام ابقي عرفيني عملتي اي بالرغم من اني عارفه ان خالتوا حبيبتي مش هترفض.
ابتسام ان شاء الله.. يلا بقا سلام.
دينا تمام.
ابتسام راحت لفاتن ماما هو انا ممكن انزل مع دينا شويه وارجع.
فاتن انزلي بس متتاخريش تيجي ع طول..
ابتسام عيوني حاضر..
راحت ابتسام بسرعه تلبس علشان تنزل..
عادل بعد ما خلص خلصنا دراسه واحنا معتش بنتجمع..
دينا ايوه والله ي بنتي كانت احلى ايام ايام الدراسه والجامعه رغم المرمطه بس كانت فعلا احلى ايام واحلى وقت بنقضيه مع بعض.
ابتسام بقولك اي.. اي رايك نروح اي مطعم قريب من هنا ناكل ونقعد مع بعض..
دينا اشطا يلا بينا..
ابتسام تعالي انا عارفه مطعم هنا قريب.. مدخلتوش قبل كده بس سمعت عنه..
دينا وابتسام دخلوا المطعم وقعدوا وطلبوا اكل..
وبعد وقت بسيط اجى شاب وحط الاكل وبدون قصد وقع السلطه ع دريس ابتسام..
ابتسام شهقت وقامت بسرعه ااااااه ي حيو..
الشاب انا حيو.. انتي جايه تهزقيني ولا اي.. لا ي انسه تقعدي هنا باحترامك ده انتي حته مسبتيش ليا فرصه اعتزر.
ابتسام بعصبيه اعتذارك اعمل بيه اي الدريس منظره مش نافع هرجع البيت ازاي دلوقتي..
دينا اهدي بس ي ابتسام تعالي معايا الحمام واغسليه هينضف.
الشاب اهو الحمدلله ف حد بيفهم..
ابتسام لا ده انت بجد مش محترم وانا لازم اكلم صاحب المطعم ده افهم ازاي سايب واحد زيك يتعامل مع الناس.
الشاب ربع ايده اممم.. واي كمان.
ابتسام ندهت ع جرسون تاني لو سمحت هو صاحب المطعم موجود.
الجرسون ايوه حضرتك..
ابتسام طب ممكن تبلغه اني عايزه اقابله.
الجرسون ضحك..
ابتسام هو انا قولت اي يضحك! انا قولت عايزه اقابل صحاب المطعم.
الشاب وصاحب المطعم موجود..
ابتسام بصت ليه پصدمه لا مش معقول يكون واحد مش بيعرف يتعامل مع حد صاحب مطعم كبير وسمعته حلوه كده.
دينا شدت ابتسام واحت بيها ع الحمام يلا بقا كفايه خناق احمدي ربنا انه مخرجكيش برا المطعم بلبسك كده..
ابتسام بس ي دينا هو اللي غلطان ده حتى معتذرش.
دينا معلش هو انت سيبتي
ليه فرصه ينطق..
ابتسام بتنضف الدريس وخرجت دفعت حساب الاكل..
ابتسام خرجت ومكنش ف اي اثر ع هدومها..
ابتسام هو انتي دفعتي حساب الاكل اللي احنا ماكلنهوش.
دينا ايوه واسكتي بقا الله يخربيتك فضحتينا يلا..
ابتسام ودينا خرجوا يتمشوا وقضوا وقت حلو مع بعض..
عدى اليوم بدون احداث..
بعد مرور 3 ايام وكان يوم جمعه ولسه فاضل اسبوع بالظبط ع الفرح..
عند شريف...
فاتن شريف روح بقا لحماتك خليك معاهم علشان لو احتاجوا حاجه وانا هجهز الاكل لكل اللي بيفرشوا الشقه فوق.
شريف ماشي هي نسمه معدتش عليك..
فاتن اجت سلمت عليا و طلعت فوق..
شريف تمام ماشي
ولسه خرج من الباب قابل
شريف بعد ايده ابعد منصحكش تقرب مني..
ياسر شريف انت لازم
تسمهني.. انا ندمان ايوه بجد ندمان.. انا كنت اعمى ومش فاهم حاجه.
شريف مسكه من ياقة قميصه واتكلم بزعيق انت مغلطتش غلط عادي.. انت اجر. مت..
ياسر عارف. والله عارف صدقني انا مش عارف اواجهك ولا حتى اواجه مراتك نسمه.. انا حقيقي ضرتها كتير تحت مسمى الحب بس كل اللي عرفته ان اللي بيحب مش بياذي..
شريف ااااه وانت جاي تفهم ده دلوقتي ليه مش فهمته وقت ما خطڤتها.. واتكلم بصوت اعلى.. ليه مش فهمت ده لما حاولت تقتلني ليه مش فهمته وقت ما كنت بتهد. دها وتخوفها ليييييييه.
ياسر علشان كنت واحد اعمى واحد اناني مش بيفكر غير ف نفسه وبس.. لكن والله العظيم ي شريف انا ندمان و لو عايزني اترجى نسمه مراتك انها تسامحني هعملها علشان انت ترضى عني.. انا مشوفتش يوم حلو من ساعة ما بعدت عني والله ي شريف.. انا حقيقي اسف وندمان..
سمعتهم فاتن وقعدة ټعيط من الصدمه بس حقيقي ابنها ندمان..
شريف صدقني صعب اسامحك ولا حتى نسمه..
بس انا مسمحاه.
شريف نسمه انت اي اللي بتقوليه ده.. ده كان عايز... وسكت مقدرش بكمل.
بس هو ندمان صح.
ياسر ايوه والله ي نسمه ندمان.. والله انا مش عارف انا فكرة ف كده ازاي..
شريف.. احنا لازم نسامح.. وياسر اخوك باين عليه بجد انه اتغير وبقا احسن وندمان.. ده ربنا بيسامح انت مش هتسامح.. شريف انا متعودتش ان قلبك يبقا قاسې اوي كده.. انا عارفه ان هو غلط وعلط كتير اوي.. بس هو رجع ندمان وبقا احسن و ده اللي احنا عايزينه..
شريف مش هقدر.. صدقيني مش هقدر وسابهم ومشى..
ياسر عيونه ف الارض..
ياسر ما تفقدش الامل.. بما انك بجد ندمان وعايز تكسب اخوك.. يبقا لازم تبقا مصر انه يسامحك..
ياسر نسمه سامحيني.. انا حقيقي اسف.
ياسر انا مسمحاك.. بس ياريت تخلي شريف هو كمان يسامحك..
ياسر شكرا بجد.. وان شاء الله هقضل معاه لحد ما يسامحني انا ولا حاجه من غيره.. و اه نسيت اقولك الف مبارك واتمنالكم حياه سعيده..
اتكلمت بابتسامه الله يبارك فيك.. اعبالك.
ياسر شكرا.. وسابها ونزل..
بعد ما ياسر مشى كنت هطلع تاني الشقه لكن لمحت طنط فاتن قعده ع الارض بټعيط جريت عليها بقلق طنط فاتن مالك ف اي.
فاتن بعياط ابني يسامحه.
فاتن ياسر خاېن.. خان اخوه و غلط ف حقك كتير وانتي عادي.
لا مش عادي.. انا كنت زعلانه ومكنتش مسمحاه.. بس هو فاق من الغفله اللي كان فيها..
فاتن بس بردو.
فاتن ياسر وشريف ولادك وانتي مش هتعرفي تعيشي من غير واحد فيهم.. و هما بردو ميقدروش يعيشوا من غير بعض.. شريف رغم جموده بس هو حقيقي محتاج ياسر جنبه.. هتساعديني نصلح كل حاجه تاني.
فاتن معاكي حق ي بنتي.. و انا هساعدك.
حصنتها.. ربنا يديمك ف حياتنا يلا بقا انا ماما فوق فاتها بتقول عليا خلعت وسبتهم.
فاتن ربنا يصلح حالك ي بنتي.. طيب اطلعي وانا هخلص تجهيز الاكل و هجيبه..
ماشي ي حبيبتي..
فاتن دخلت وهي بتفكر ازاي ابنها يفكر ويتصرف كده ده بالنسبه ليها صډمه...
بعد ما طلعت ساعدتهم ف فرش الشقه وطنط فاتن طلعت الاكل واكلنا..
وبعد شوية وقت وكنا خلاص بنقفل الشقه وهنمشي لقيت شريف رجع..
شريف كنت فين بتصل عليك مش بترد.
شريف معلش فوني كان صامت..
حصل خير المهم انك كويس.
شريف انتم خلصتوا ولا اي محتاجين حاجه.
لا ماما بتقول كله تمام والوقتي احنا هنمشي..
شريف تمام.. الحمدلله ان كل حاجه تمام.
شريف.. طنط فاتن عرفت.
شريف عرفت اي اوعى تقولي انها عرفت باللي ياسر عمله.
هزيت راسي للاسف سمعتنا واحنا بنتكلم ع السلم.. بس متقلقش انا اتكلمت معاها و عرفت انه عرف
غلطه.. اعبال ما تفهم كده انت كمان.
شريف مسح ع وشه خلاص ي نسمه الكلام ملهوش لزمه يلا اوصلكم لحد البيت.
خرجت
هدى لا ي بني خليك اهو البيت لازق ف البيت اصلا هنروح احنا عادي..
شريف همشي معاكم هيكون افضل.
هدى اللي يريحك ي بني..
الكل مشى.. وشريف وصلهم لحد البيت ورجع تاني.
ياسر راح قعد مع عادل وقاله ع اللي حصل..
عادل بفرحه طب كويس بما انه نسمه سامحتك يبقا شريف كمان هيسامحك.
ياسر انت شايف كده.
عادل ايوه طبعا.. هي بسهوله هتقدر تقنعه انه يسامحك.. وانت بقا تخليه فعلا يشوف انك اتغيرت..
ياسر ان شاء الله.. وشكرا ي صحبي ع وقفتك معايا..
عادل الشكرلله.. انا معملتش حاجه يلا نقوم نصلي العصر مع بعض.
ياسر يلا.
عند عمرو..
عمرو بيكلم شهد ف الفون ومتعصب.
عمرو يا بت متخلنيش اټجنن عليكي.. مش انا قولت مفيش طلوع رحله لوحدك..
شهد ي عمرو مين قالك اني لوحدي ما صحابي اللي ف الجامعه معايا وكمان دي رحله تبع الجامعه فاكيد هيبقا معانا دكاتره..
عمرو ومالك ي بت بتتكلم عن الدكاتره ع انهم اخواتك.. بصي ي شهد قصر الموضوع مفيش رحلات..
شهد يووووه بقا ي عمرو والله هعيط.. انا بجد نفسي اروح اوي ما الكل هيروح اشمعنا انا..
عمرو اقنعي ابوكي اننا نكتب الكتاب
معاكي.
شهد ما انت عارف انهم مش هيوافقوا..
عمرو وانا كمان مش موافق ع الرحله..
شهد حست ان معتش ف امل من الكلام معاه واتكلمت بزعل خلاص يا عمرو مش عايزه اروح ف حته..
عمرو ي بت انت زعلتي بدل ما تكوني فرحانه اني بخاف عليكي ومستحيل اضحي بيكي..
شهد لا مزعلتش و اسفه اني ضيعت من وقتك.. سلام ماما بتنادي عليا.
عمرو طب بصي.. اوعدك ان بعد فرح نسمه نطلع رحله يكون فيها اهلي واهلك كلنا
متابعة القراءة
